Xunta de Galicia
Vostede está aquí:

Actualidade Comercial

  • 14 Outubro, 2020
    Hoxe publícase no BOE a convocatoria para os Premios Nacionais do Comercio Interior 2021
    Máis información
  • 13 Outubro, 2020
    A Xunta publica os domingos e festivos nos que as grandes superficies comerciais poderán abrir no 2021
    Máis información
  • 30 Setembro, 2020
    A Xunta apoia con preto de 2,4 M€ a 95 asociacións e federacións de comerciantes para impulsar a competitividade do sector
    Máis información
  • 23 Setembro, 2020
    A Xunta destaca o seu compromiso co sector do libro galego na presentación de 'Volta ao libro'
    Máis información
  • 21 Agosto, 2020
    A Xunta destaca na Estrada o papel das asociacións de comerciantes na reactivación do sector
    Máis información
  • 12 Agosto, 2020
    A Xunta activa novas axudas por 330.000 euros para impulsar a comercialización dixital do sector artesán galego
    Máis información
  • 16 Xullo, 2020
    A Xunta sinala a transformación dixital e as medidas de prevención fronte á covid-19 como claves para a reactivación do comercio
    Máis información
  • 11 Maio, 2020
    Hoxe publícase no DOG a Orde do 6 de maio de 2020 pola que se acorda a continuación dos procedementos CO300C e C0300D.

    Orde do 6 de maio de 2020 pola que se acorda a continuación de determinados procedementos relativos á concesión de subvencións indispensables para a protección do interés xeral ou para o funcionamento básico dos servizos públicos durante a vixencia do estado de alarma.

    Máis información
  • 09 Abril, 2020
    ACUERDO INTERPRETATIVO DA ORDE DO 8 DE ABRIL DE 2020 POLA QUE SE DECLARA NON HÁBIL O VENRES 10 DE ABRIL
    ACORDO INTERPRETATIVO DA ORDE DE 8 DE ABRIL DE 2020 POLA QUE SE DECLARA NON HÁBIL O VENRES 10 DE ABRIL O día 10 de abril, resultará de aplicación para os establecementos comerciais, cuxa actividade comercial non se atope suspendida polo réxime vixente derivado da declaración do estado de alarma, o artigo 8 da Lei 13/2006, de 27 de decembro, de horarios comerciais de Galicia, polo que terán liberade para abrir, en particular: - os establecementos adicados esencialmente a venda de productos de pastelería, repostería, churrería, pan, pratos combinados, prensa, as chamadas tendas de conveniencia, - os establecementos adicados a venda de combustible e carburantes, e -os establecementos que dispoñan dunha superficie útil para a exposición e venda ao público de ata 300 metros cadrados que teñan a condición de peme.
  • 10 Marzo, 2020
    A Xunta informa en Pontevedra sobre as axudas por 4,4 M€ para que o comercio de proximidade innove e aposte pola sustentabilidade
    A directora xeral de Comercio e Consumo, Sol Vázquez, informou hoxe aos comerciantes pontevedreses dos diferentes programas de axudas activados pola Consellería de Economía, Emprego e Industria para impulsar a innovación e a dixitalización do sector, que contan cun orzamento de 4,4 millóns de euros e que están abertas á presentación de solicitudes ata o vindeiro 23 de marzo. Tal e como sinalou Sol Vázquez no encontro informativo, no marco da iniciativa Comercio 360, por un lado, activouse o programa para apoiar a innovación, a dixitalización e novas fórmulas de comercialización no sector comercial e artesanal. Poderán optar pemes de menos de 20 traballadores ou de menos de 50 no caso de accións de expansión comercial e Pop Up. Por outra parte, tamén se activou a liña de axudas para apoiar actuacións de ecoinnovación comercial, entre as que se inclúen a instalación de máquinas de reciclaxe de envases, utilización de ecoenvases e medidas de economía circular. Nas dúas liñas terase en conta como criterio de valoración a adhesión dos solicitantes ao programa e-ticket e á rede Comercio e Mercados no Camiño. No encontro, celebrado no establecemento pontevedrés Las Merceditas de Iria, recoñecido nos Premios Smart Commerce 2017, tamén se abordaron as novas tendencias no sector, en ámbitos como a transformación dixital ou a sustentabilidade. Máis información
  • 06 Marzo, 2020
    A Xunta informa na Coruña sobre as axudas por 4,4 M€ para que o comercio de proximidade innove e aposte pola sustentabilidade
    A directora xeral de Comercio e Consumo, Sol Vázquez, informou hoxe aos comerciantes coruñeses dos diferentes programas de axudas activados pola Consellería de Economía, Emprego e Industria para impulsar a innovación e a dixitalización do sector, que contan cun orzamento de 4,4 millóns de euros e que están abertas á presentación de solicitudes ata o vindeiro 23 de marzo. Tal e como sinalou Sol Vázquez, no marco da iniciativa Comercio 360, por un lado, activouse o programa para apoiar a innovación, a dixitalización e novas fórmulas de comercialización no sector comercial e artesanal. Poderán optar pemes de menos de 20 traballadores ou de menos de 50 no caso de accións de expansión comercial e Pop Up. Por outra parte, tamén se activou a liña de axudas para apoiar actuacións de ecoinnovación comercial, entre as que se inclúen a instalación de máquinas de reciclaxe de envases, utilización de ecoenvases e medidas de economía circular. Nas dúas liñas terase en conta como criterio de valoración a adhesión dos solicitantes ao programa e-ticket e á rede Comercio e Mercados no Camiño Máis información
  • 05 Marzo, 2020
    A Xunta achega aos comerciantes ferroláns información sobre as axudas para impulsar a innovación e a sustentabilidade
    A directora xeral de Comercio e Consumo, Sol Vázquez, informou hoxe aos comerciantes de Ferrol dos diferentes programas de axudas activados pola Consellería de Economía, Emprego e Industria para impulsar a innovación e a dixitalización do sector, que contan cun orzamento de 4,4 millóns de euros e que están abertas á presentación de solicitudes ata o vindeiro 23 de marzo. Tal e como sinalou Sol Vázquez, no marco da iniciativa Comercio 360, por un lado, activouse o programa para apoiar a innovación, a dixitalización e novas fórmulas de comercialización no sector comercial e artesanal. Poderán optar pemes de menos de 20 traballadores ou de menos de 50 no caso de accións de expansión comercial e Pop Up. Por outra parte, tamén se activou a liña de axudas para apoiar actuacións de ecoinnovación comercial, entre as que se inclúen a instalación de máquinas de reciclaxe de envases, utilización de ecoenvases e medidas de economía circular. Nas dúas liñas terase en conta como criterio de valoración a adhesión dos solicitantes ao programa e-ticket e á rede Comercio e Mercados no Camiño. O encontro informativo, no que tamén se abordaron algunhas das novas tendencias no ámbito da dixitalización, celebrouse no Ateneo Ferrolán. Máis información
  • 04 Marzo, 2020
    A Xunta informa aos comerciantes santiagueses das axudas para impulsar a innovación e a sustentabilidade no sector
    A directora xeral de Comercio e Consumo, Sol Vázquez, informou hoxe aos comerciantes de Santiago de Compostela dos diferentes programas de axudas activados pola Consellería de Economía, Emprego e Industria para impulsar a innovación e a dixitalización do sector, que contan cun orzamento de 4,4 millóns de euros e que están abertas á presentación de solicitudes ata o vindeiro 23 de marzo. Tal e como sinalou Sol Vázquez, no marco da iniciativa Comercio 360, por un lado, activouse o programa para apoiar a innovación, a dixitalización e novas fórmulas de comercialización no sector comercial e artesanal, que ofrece axudas para actuacións realizadas entre o 1 de decembro de 2019 e o 20 de outubro de 2020. Poderán optar pemes de menos de 20 traballadores ou de menos de 50 no caso de accións de expansión comercial e Pop Up. Por outra parte, tamén se activou a liña de axudas para apoiar actuacións de ecoinnovación comercial, entre as que se inclúen a instalación de máquinas de reciclaxe de envases, utilización de ecoenvases e medidas de economía circular. Nas dúas liñas terase en conta como criterio de valoración a adhesión dos solicitantes ao programa e-ticket e á rede Comercio e Mercados no Camiño. O encontro informativo, no que tamén se abordaron algunhas das novas tendencias no ámbito da dixitalización, celebrouse na praza de abastos de Santiago de Compostela.
  • 21 Febreiro, 2020
    Hoxe se publica a orde reguladora das subvencións para a innovación, a dixitalización e a implantación de novas fórmulas de comercialización e expansión do sector comercial e artesanal
    ORDE do 30 de xaneiro de 2020 pola que se establecen as bases reguladoras para a concesión, en réxime de concorrencia competitiva, de subvencións para a innovación, a dixitalización e a implantación de novas fórmulas de comercialización e expansión do sector comercial e artesanal, e se procede á súa convocatoria para o ano 2020 (código de procedemento CO300C). Máis información
  • 21 Febreiro, 2020
    Hoxe publícase a orde pola que se regula a concesión das bolsas de formación na Dirección Xeral de Comercio e Consumo
    ORDE do 31 de xaneiro de 2020 pola que se establecen as bases reguladoras para a concesión das bolsas de formación na Dirección Xeral de Comercio e Consumo e se procede á súa convocatoria para o ano 2020 (código de procedemento IN225A). Máis información
  • 21 Febreiro, 2020
    Hoxe publícase a orde pola que se regulan as subvencións para actuacións en materia de ecoinnovación comercial
    ORDE do 30 de xaneiro de 2020 pola que se establecen as bases reguladoras para a concesión, en réxime de concorrencia competitiva, de subvencións para actuacións en materia de ecoinnovación comercial e se procede á súa convocatoria para o ano 2020 (código de procedemento CO300D). Máis información
  • 10 Decembro, 2019
    Conde destaca nos Premios do Comercio Galego o compromiso do sector por innovar e responder ás novas demandas dos clientes
    O conselleiro de Economía, Emprego e Industria, Francisco Conde, destacou hoxe na entrega dos Premios do Comercio Galego 2019 o compromiso do sector por innovar e responder ás novas demandas dos consumidores. Neste sentido, Conde sinalou a necesidade de poñer o cliente no centro da estratexia. Esta é a filosofía que guía Comercio 360, iniciativa coa que a Xunta aposta tanto pola dixitalización como pola sustentabilidade, e á que se destinan 5,6 millóns de euros nos orzamentos de 2020. Ademais, tal e como sinalou Conde, o vindeiro ano reforzarase o comercio no rural, coa creación de puntos de recollida que permitan ter unha actividade máis competitiva, e avanzarase na consolidación da Rede de Comercios e Mercados no Camiño. Tamén se contemplan apoios para mercados e espazos comerciais ou a promoción de produtos galegos con especial atención á artesanía. O conselleiro, que destacou o papel cohesionador e integrador do comercio de proximidade nas cidades e vilas galegas, sinalou que os establecementos premiados hoxe son exemplo da importancia de adaptarse aos novos tempos, transformando os negocios seguindo o ritmo das necesidades dos consumidores e empregando as mellores ferramentas dispoñibles para alcanzar ese obxectivo. Os Premios do Comercio Galego 2019 distinguen os establecementos a nivel provincial e autonómico que na súa xestión comercial executan accións innovadoras que comporten unha clara diferenciación e unha mellora na fidelización e a personalización do servizo e do produto. Para iso, valórase a transformación dixital, os servizos engadidos á propia oferta comercial, accións promocionais especiais e utilización de ferramentas tales como a web e as redes sociais como canles de comunicación e venda e a integración entre as canles on line e off line. O Premio Comercio de Galicia está dotado cunha contía de 9.000 euros; o Premio Comercio Provincial, cunha contía de 4.000 euros por provincia; e o Premio Iniciativa Dixital para asociacións de comerciantes, cunha contía de 2.000 euros. O Premio Comercio de Galicia 2019 recaeu en Lolita Moda, que xorde en Noia en 1960 como un negocio familiar. Actualmente dispoñen de oito tendas físicas (tres delas especializadas en nenos) en Boiro, Noia, Ribeira, Bertamiráns (Ames) e Pontevedra. No 2014 lanzan a súa tenda on line, con máis de 50 marcas e 7.000 referencias. No tocante ao premio provincial da Coruña, obtívoo Olivares Shoes & Bags, empresa de venda polo miúdo de produtos de moda de muller. Fundada en Ferrol no ano 2010, conta tamén con establecementos na Coruña e Santiago, e dispón de venda en liña. Na provincia de Lugo, resultou gañador Albo Zapaterías, unha empresa familiar de Viveiro con preto de 65 anos de traxectoria e que soubo anticiparse aos cambios experimentados polo sector nos últimos anos. Na actualidade contan con catro tendas situadas no casco histórico de Viveiro. Albo Shop Online opera en toda España así como en seis países da Unión Europea. En Ourense prémiase a 4Elementos, centrada na moda urbana e o calzado deportivo, e que conta despois de dez anos con cinco tendas físicas situadas en Ourense, Vigo, Pontevedra, Santiago de Compostela e Madrid, ademais da tenda en liña. O Premio Comercio Pontevedra é para Mekkdes, unha tenda que nace en 2011 a través da súa web, e que, despois de vender en establecementos multimarca de toda España, en abril de 2018 abre a súa primeira tenda física en Vigo. O premio Iniciativa Dixital para asociacións de comerciantes recaeu na Fundación Santiago Centro-Área Comercial, pola posta en marcha de diversas accións estreitamente vinculadas coa transformación dixital, entre as que destacan a creación do Grupo de Comercio Innovador, a posta en marcha dunha plataforma online de venda conxunta de produtos en outlet, ou a distribución mensual dun boletín de innovación. Máis información
  • 29 Novembro, 2019
    A Xunta anima aos comerciantes ourensáns a aproveitar as vantaxes da nova Rede de Comercios e Mercados no Camiño
    A directora xeral de Comercio e Consumo, Sol Vázquez Abeal, informou hoxe aos comerciantes ourensáns da convocatoria para poñer en marcha a nova Rede de Comercios e Mercados no Camiño, unha iniciativa que permitirá potenciar as vendas do comercio de proximidade ao tempo que servirá para mellorar os servizos que estes establecementos prestan aos peregrinos nos 138 concellos polos que transcorren as diferentes rutas de peregrinación. Tal e como sinalou Vázquez Abeal no encontro, celebrado na delegación territorial da Xunta en Ourense, poden sumarse a esta Rede de xeito gratuíto tanto os establecementos comerciais como as asociacións de vendedores de prazas de abastos. Ademais, as agrupacións de comerciantes locais poderán solicitar a adhesión en nome dos seus asociados. O primeiro prazo para facelo permanecerá aberto ata o vindeiro 8 de novembro. Os establecementos que se adhiran á rede recibirán un pack de benvida con distintos elementos promocionais para os seus clientes e un distintivo identificativo para o local. Ademais, poderán beneficiarse das diferentes actuacións de dinamización que se leven a cabo en torno á Rede para apoiar a celebración do Xacobeo 2021, co obxectivo de animar tanto aos peregrinos como aos veciños das vilas e cidades a consumir produtos de proximidade no comercio local. A Consellería de Economía, Emprego e Industria busca, por un lado, a dinamización comercial do Camiño, potenciando as vendas e a visibilización dos comercios e mercados situados nos Camiños de Santiago e, por outra banda, mellorar os servizos comerciais ofrecidos aos camiñantes e que estes manteñan a súa relación de clientes a través dos diferentes canais on line de comercialización cando volvan aos seus lugares de orixe. A orde que regula a adhesión de establecementos a esta Rede inclúe tamén unha convocatoria de axudas de ata 2.800 euros por beneficiario para que os comercios adheridos que así o desexen editen coa imaxe da Rede de Comercios e Mercados no Camiño solucións en material biodegradable de empaquetado exterior, tanto para o seu envío como para a presentación do produto, protección ou para o seu consumo. Tamén poderán obter apoios para a edición personalizada de selos para as credenciais dos peregrinos. Esta nova iniciativa coincide coa directrices que se tratan de desenvolver a través do Comercio 360, unha iniciativa que responde aos cambios que a dixitalización e os novos hábitos de consumo están introducindo no sector, anticipándose así ás necesidades dos consumidores. Ademais, recolle un dos principais obxectivos do Plan Estratéxico do Xacobeo 21, que pasa por facer deste evento a panca de cambio da Galicia da próxima década, impulsando non só a vertente reflexiva e cultural desta celebración, senón permitindo, ademais, o desenvolvemento económico e a dinamización dos concellos polos que discorren os diferentes Camiños, maioritariamente no rural Máis información
  • 12 Novembro, 2019
    Conde apunta que o comercio de proximidade debe responder aos desafíos con innovación e centrando a súa estratexia nos clientes
    O conselleiro de Economía, Emprego e Industria, Francisco Conde, sinalou hoxe na entrega de premios da última edición da campaña Días azuis do comercio galego que os establecementos de proximidade debe saber anticiparse aos novos desafíos respondendo con innovación e buscando o grao extra de diversificación ao tempo que se pon ao cliente no centro da súa estratexia. Na súa intervención, o conselleiro apuntou que o comercio, que representa algo máis do 14% do tecido empresarial galego, significa calidade de vida para o seu entorno. Tal e como destacou, o obxectivo debe ser seguir crecendo e diversificando a actividade sen que se desvirtúe a identidade de cada negocio. Para apoiar ese crecemento, a Xunta ten en marcha Comercio 360, unha iniciativa que busca a competitividade a través da dixitalización, a economía circular e o produto local. Así, estanse desenvolvendo medidas centradas na implantación do tícket dixital, o impulso da ecoinnovación, o marketing en liña ou a reforma dos establecementos. Na campaña Días azuis do comercio galego, realizada entre o 1 e o 20 de outubro en colaboración coa Federación Galega de Comercio e Abanca, rexistráronse máis de 108.700 participacións, un 13% máis con respecto ao ano anterior e un 6% desde a convocatoria de maio. No acto de hoxe fíxose entrega aos clientes gañadores dos 16.200 euros en premios repartidos en tarxetas prepago de 300 e de 150 euros. O listado completo dos 80 premiados pode consultarse en https://www.diasazuis.com/ganadores. É a cuarta vez que se desenvolve esta iniciativa, e a primeira ocasión na que se celebran dúas edicións anuais, sendo o obxectivo principal dinamizar as vendas no comercio de proximidade e premiar a fidelidade dos clientes. Máis información
  • 04 Novembro, 2019
    A Xunta destina 160.000 euros a impulsar a competitividade do comercio de proximidade nas comarcas do sur de Lugo
    A Consellería de Economía, Emprego e Industria vén de conceder axudas por importe de 159.200 euros para impulsar o sector comercial nas comarcas do sur lucense. O delegado territorial da Xunta en Lugo, José Manuel Balseiro, acudiu hoxe a Monforte de Lemos para explicar estas achegas acompañado, entre outras persoas, pola presidenta do Centro Comercial Urbano dese concello, María José Senra, e o xerente Ángel Folgueira. Balseiro sinalou que a Xunta destina 40.000 euros ao Centro Comercial Urbano de Monforte e outros 40.000 euros á Asociación de Comerciantes de Chantada ao abeiro dun programa para fomentar o asociacionismo do sector, e 79.200 euros en axudas para 13 comerciantes e obradoiros artesáns mediante unha orde de subvencións específica para modernizar o comercio retallista. Respecto ás primeiras, o delegado subliñou a colaboración da Consellería coas asociacións de comerciantes para dinamizar e revitalizar os centros comerciais abertos, creando espazos confortables e de lecer que incentiven as compras nos comercios das vilas e cidades galegas. Balseiro destacou como principal novidade a posibilidade de recibir axudas orientadas á posta en marcha de solucións dixitais para a venda e promoción de produtos dos comercios asociados, para a modernización da imaxe do centro comercial aberto, a implantación e mellora do portal web ou iniciativas de marketing dixital. Neste sentido, afirmou que o comercio local ten que “aproveitar todos os espazos de difusión dispoñibles e ter tamén presencia nas redes” e incidiu “no esforzo de adaptación que están a realizar os comerciantes”. Ao respecto, lembrou que na zona sur, os 13 beneficiarios das axudas para modernización recibiron apoio para propostas de dixitalización: creación de páxinas web, xestión de redes e mellora da imaxe dixital en xeral. A convocatoria admitía solicitudes por máis dun concepto, polo que dous dos comerciantes obtiveron tamén achegas para a reforma e acondicionamento integral dos seus establecementos, e un terceiro para un proxecto de expansión comercial, isto é, para abrir un novo local baseado no desenvolvemento da empresa xa existente. Do total de comercios beneficiarios, nove están situados no concello de Monforte de Lemos, dous en Chantada, e hai tamén un en Taboada e outro en Bóveda. Entre todos, suman un investimento mobilizado de 132.000 euros. Máis información

  • Páxina 1 de 84

  • Mostrando do 1 ao 20 dun total de 1679 rexistros