Actualidade Comercial

17 Setembro, 2015
O Encontro de Torneiros converte Xermade ata o domingo nun espazo de formación e exhibición de referencia do sector artesán

Xermade (Lugo), 17 de setembro de 2015.- A xerente da Fundación Centro Galego da Artesanía e do Deseño, Elena Fabeiro, participou esta tarde na inauguración do Encontro de Torneiros de Xermade, que converte ata o domingo esta localidade lucense nun espazo de formación e exhibición de referencia do sector artesán galego.

A iniciativa, organizada polo Concello de Xermade e que coa colaboración da Consellería de Economía e Industria permite poñer en valor o oficio do torneado en madeira, permite poñer en valor o oficio do torneado de madeira.

Esta edición acollerá cursos especializados a cargo de profesionais de prestixio internacional, como o francés Christian Delhon ou o portugués Idalio Dias da Costa, así como os galegos Manuel Castro, José García Otero e Julio Guntín.

O programa de actividades do encontro, que se celebra no polideportivo municipal e na biblioteca pública, complétase con distintas conferencias, demostracións e a exposición itinerante de madeira torneada CONtornos.

Ademais, durante os catro días, os visitantes poderán ver unha mostra de pezas torneadas achegadas polos participantes. Tamén haberá exposición e venda de maquinaria, ferramentas e publicacións. Están programadas así mesmo diferentes demostracións por parte dos participantes e os docentes.
Máis información
16 Setembro, 2015
Francisco Conde destaca que a reforma do mercado de Celanova consolídao como clave para a dinamización económica local

Celanova (Ourense), 16 de setembro de 2015.- O conselleiro de Economía e Industria, Francisco Conde, destacou esta mañá na súa visita ao mercado de Celanova, que a transformación integral que está vivindo este espazo, que a Consellería de Economía e Industria leva apoiado con máis de 240.000 euros desde 2013, está consolidando a praza de abastos como unha infraestrutura clave para o comercio local celanovés así como para a dinamización económica do municipio.

Conde, que estivo acompañado polo alcalde da localidade, José Luis Ferro, e o delegado territorial da Xunta en Ourense, Rogelio Martínez, así como a directora xeral de Comercio, Sol Vázquez, destacou a importancia de “apostar polo comercio das nosas vilas, especialmente das máis próximas ao rural, onde as prazas de abastos poden ser un elemento vertebrador da dinamización económica”.

Así, o mercado celanovés xoga un importante papel como lugar idóneo para novas iniciativas emprendedoras, así como para a venda de produtos autóctonos de calidade, e a busca de sinerxías coa gastronomía e o turismo, en liña co recollido no novo Plan Estratéxico de Impulso ao Comercio, ao cal a Xunta destina 70 millóns de euros ata 2020 para modernizar e incrementar a competitividade do comercio de proximidade galego.

Tal e como subliñou o conselleiro de Economía e Industria, a modernización da praza de abastos, na cal nestes momentos se están realizando actuacións de reforma do soto do edificio, así como do interior dos postos da planta baixa, cun apoio da Consellería de preto de 38.000 euros, é un exemplo de cooperación institucional.

Neste sentido, Conde resaltou a importancia de colaborar coas administracións locais, sinalando que este ano a Consellería apoia un total de 23 concellos ourensáns, impulsando investimentos que suman preto de 3 millóns de euros a través de diferentes programas de axudas que permiten traballar de forma conxunta para impulsar o tecido económico local.

O conselleiro, que previamente mantivo un encontro co alcalde e varios empresarios da comarca para escoitar as súas propostas, no que se avaliaron proxectos de cara a futuro, que pasan “por seguir apostando polos investimentos, tanto desde o punto de vista empresarial como industrial”, sinalou que Celanova “ten tamén moitas oportunidades desde o punto de vista do turismo”.

Francisco Conde apuntou que desde a Consellería, en colaboración cos concellos e as asociacións dos empresarios, “imos estar moi preto dos cidadáns, das empresas, e dos investidores que nos poidan permitir manter o obxectivo claro de dinamizar a economía e crear emprego”.

Este traballo conxunto tanto co Concello como co tecido empresarial de Celanova xa ten permitido actuacións por 2,8 millóns de euros nos últimos anos, entre investimentos públicos e privados.

Máis información
16 Setembro, 2015
Economía e Industria continúa a colaborar co Concello de Arbo na reforma da súa praza de abastos

Arbo (Pontevedra), 16 de setembro de 2015.- O delegado territorial da Xunta en Pontevedra, José Manuel Cores, visitou esta mañá a praza de abastos de Arbo, en compaña do alcalde da localidade, Horacio Gil. Trátase dunha infraestrutura clave para a dinamización do comercio de proximidade local que vai ser modernizada e remodelada polo Concello a través dun investimento de 87.000 dos que a Consellería de Economía e Industria aporta, a través dunha subvención, 60.000 euros, é dicir o 70%.

Durante a visita, o responsable territorial e o alcalde, analizaron o estado da praza de abastos en compaña do xefe territorial de Economía e Industria, Ignacio Rial Santomé.

Entre as actuacións previstas atópase a limpeza da fachada do edificio con hidrolimpiadora para a súa revitalización. Tamén se levará a cabo su pintado e a instalación de novas letras de “Mercado Municipal”. A maiores, tamén se instalará un cartel co novo logo corporativo da praza.

As obras permitirán tamén a demolición dos postos existentes e instalación duns novos de aceiro inoxidable con fregadeiros especiais para peixe, a retirada das barras de aceiro nestas zonas e o picado do piso da zona central. Instalarase un novo piso de formigón con tratamento antiesvarante, e no tellado aplicarase un tratamento illante así como un novo falso teito desmontable, cunha canaleta empotrada en chan de praza para a recollida de augas e a colocación de reixa galvanizada.

Finalmente, instalarase unha rede de fontanería nova para novos postos centrais, nova iluminación de tipo led e de emerxencia, e instalacións de carteis de sinalización en linguaxe Braille e alfanuméricos.

Cores Tourís recordou que a Consellería de Economía e Industria, que ten no impulso ao sector comercial un dos seus principais eixos de actuación, vén de conceder apoios por preto de 1,5 millóns de euros para a realización de melloras nas prazas de abastos e mercados tradicionais en 29 concellos da provincia de Pontevedra, mediante un programa específico cofinanciado con fondos Feder.

Os concellos que realicen melloras nas prazas deberán poñer en marcha iniciativas dirixidas ao mentoring comercial para os praceiros, encamiñadas a aumentar a rendibilidade do punto de venda mediante técnicas de visual merchandising, a colocación do produto ou a atención ao cliente. Como novidade este ano, primáronse as iniciativas que inclúen a apertura dos mercados en horario de tarde ou a incorporación de aparcadoiros.

Estes apoios enmárcanse no novo Plan estratéxico de impulso ao Comercio de Galicia, unha folla de ruta que destina 70 millóns de euros ata 2020 a modernizar e incrementar a competitividade do comercio de proximidade galego, con 55 accións específicas articuladas arredor de tres grandes retos: afianzar un sector comercial renovado; impulsar o smart commerce e o comercio electrónico; e potenciar o comercio excelente, traballando na dinamización e a mellora continua.
Máis información
16 Setembro, 2015
A Consellería de Economía e Industria subliña na Estrada a importancia da Feira do Moble na dinamización económica do sector e da comarca

A Estrada (Pontevedra), 16 de setembro de 2015.- A directora xeral de Comercio, Sol Vázquez Abeal, subliñou esta mañá na presentación da XIX edición da Feira Internacional do Moble de Galicia, que se celebrará na Estrada do 19 ao 27 de setembro, a importancia deste encontro tanto na dinamización económica tanto do sector como de toda a comarca.

O encontro, que conta co apoio da Consellería de Economía e Industria, reunirá preto de 70 firmas directas e preto doutras 250 indirectas en máis de 26.000 m2 de espazo expositivo, consolidado, tal e como subliñou Vázquez Abeal, como un referente no calendario feiral galego.

Na oferta expositiva van da man innovación, deseño e calidade, achegando as últimas tendencias en mobles, iluminación, decoración, artesanía, ou menaxe, entre os diferentes subsectores que este ano están representados no certame. Nesta edición, a Feira do Moble de Galicia conta co distintivo de Internacional, outorgado polo Ministerio de Economía e Competitividade.

No marco deste encontro, responsables do Igape participarán o martes 22 de setembro a partir das 11 horas nunha xornada técnica centrada en instrumentos de financiamento para as pemes galegas. Ademais, o Instituto dependente da Consellería de Economía e Industria contará cun espazo propio durante toda a Feira, no que se achegará información sobre os distintos servizos e axudas dispoñibles.

Máis información
16 Setembro, 2015
Galicia Calidade promociona en Madrid a excelencia dos produtos galegos da man do chef Pepe Solla

Santiago, 16 de setembro do 2015.- A Consellería de Economía e Industria, a través de Galicia Calidade, promocionará mañá en Madrid os produtos certificados da man do chef Pepe Solla. O evento, que se celebrará mañá ao serán no Restaurante Volvoreta, do grupo Eurostars, contará tamén coa colaboración da D.O. do Ribeiro e da sumiller Cristina Alcalá.

Ofrecerase unha degustación con produtos integramente galegos nuns pratos innovadores pero sen perder a tradición e a esencia de Galicia deseñados polo prestixioso chef galego do Grupo Nove Pepe Solla xunto cos chefs do restaurante Volvoreta. Con esta acción, Galicia Calidade pretende achegar a calidade dos produtos galegos a xornalistas, bloggers, e outros prescritores.

Galicia Calidade conta na actualidade con máis de 50 empresas e 250 produtos amparados onde o sector alimentario representa case un 90%. Na acción que se desenvolverá mañá en Madrid participarán empresas como Coren, Merluza do Pincho de Puerto Celeiro, Patatas Conde, ou Mariscos Linamar, entre outras.
Máis información
15 Setembro, 2015
Economía e Industria apoia con máis de 33.000 euros a realización de melloras na praza de abastos de Rianxo

Rianxo (A Coruña), 15 de setembro de 2015.- A directora xeral de Comercio, Sol Vázquez, e a delegada territorial da Xunta na Coruña, Belén do Campo, visitaron esta mañá a praza de abastos de Rianxo, unha infraestrutura clave para a dinamización do comercio de proximidade local no que se van realizar melloras por parte do Concello, ao que a Consellería de Economía e Industria vén de conceder unha axuda de máis de 33.000 euros. As actuacións previstas céntranse na reparación das filtracións que se producen na actualidade no acceso ao mercado municipal pola praza pública.

A Consellería de Economía e Industria, que ten no impulso ao sector comercial un dos seus principais eixos de actuación, vén de conceder apoios por 860.000 euros para a realización de melloras nas prazas de abastos e mercados tradicionais en colaboración con 24 concellos da provincia da Coruña, mediante un programa específico cofinanciado con fondos Feder.

Os concellos que realicen melloras nas prazas deberán poñer en marcha iniciativas dirixidas ao mentoring comercial para os praceiros, encamiñadas a aumentar a rendibilidade do punto de venda mediante técnicas de visual merchandising, a colocación do produto ou a atención ao cliente. Como novidade este ano, primáronse as iniciativas que inclúen a apertura dos mercados en horario de tarde ou a incorporación de aparcadoiros.

Estes apoios enmárcanse no novo Plan estratéxico de impulso ao Comercio de Galicia, unha folla de ruta que destina 70 millóns de euros ata 2020 a modernizar e incrementar a competitividade do comercio de proximidade galego, con 55 accións específicas articuladas arredor de tres grandes retos: afianzar un sector comercial renovado; impulsar o smart commerce e o comercio electrónico; e potenciar o comercio excelente, traballando na dinamización e a mellora continua.
Máis información
14 Setembro, 2015
Economía e Industria apoia con preto de 90.000 euros a modernización e remodelación da praza de abastos da Guarda

A Guarda (Pontevedra), 14 de setembro de 2015.- A directora xeral de Comercio, Sol Vázquez Abeal, e o delegado territorial da Xunta en Pontevedra, José Manuel Cores, visitaron esta mañá a praza de abastos da Guarda, unha infraestrutura clave para a dinamización do comercio de proximidade local que vai ser modernizada e remodelada polo Concello, ao que a Consellería de Economía e Industria vén de conceder unha axuda de preto de 90.000 euros.

Entre as actuacións previstas atópanse traballos de mantemento e mellora das instalacións coa renovación do acabado do firme do andar da planta baixa, reparación dos encontros do lucernario coa cuberta actual e a mellora da sinalización e o alumeado, avanzando no aforro enerxético, entre outros.

A Consellería de Economía e Industria, que ten no impulso ao sector comercial un dos seus principais eixos de actuación, vén de conceder apoios por preto de 1,5 millóns de euros para a realización de melloras nas prazas de abastos e mercados tradicionais en 29 concellos da provincia de Pontevedra, mediante un programa específico cofinanciado con fondos Feder.

Os concellos que realicen melloras nas prazas deberán poñer en marcha iniciativas dirixidas ao mentoring comercial para os praceiros, encamiñadas a aumentar a rendibilidade do punto de venda mediante técnicas de visual merchandising, a colocación do produto ou a atención ao cliente. Como novidade este ano, primáronse as iniciativas que inclúen a apertura dos mercados en horario de tarde ou a incorporación de aparcadoiros.

Estes apoios enmárcanse no novo Plan estratéxico de impulso ao Comercio de Galicia, unha folla de ruta que destina 70 millóns de euros ata 2020 a modernizar e incrementar a competitividade do comercio de proximidade galego, con 55 accións específicas articuladas arredor de tres grandes retos: afianzar un sector comercial renovado; impulsar o smart commerce e o comercio electrónico; e potenciar o comercio excelente, traballando na dinamización e a mellora continua.
Máis información
11 Setembro, 2015
Oito obradoiros artesáns participan nunha mostra de Artesanía de Galicia no Festival da luz

Santiago, 11 de setembro de 2015.- O Festival da luz, que celebra a súa cuarta edición ata o domingo en Boimorto, acolle unha mostra de Artesanía de Galicia na que oito obradoiros artesáns de oficios como a xoiería, a marroquinería, a elaboración de zocos, o téxtil ou a tornaría de madeira venden e exhiben os seus produtos.

A miniferia de Artesanía de Galicia, organizada pola Asociación Galega de Artesáns e que conta coa colaboración da Consellería de Economía e Industria, a través da Fundación Centro Galego da Artesanía e do Deseño, ten por obxectivo impulsar a comercialización do produto artesán feito na nosa comunidade e servir de vía de promoción do traballo dos creadores amparados na marca Artesanía de Galicia, e estará aberta en horario continuado de mañá e tarde.

Os obradoiros que participan nesta feira son: Laia Zapateiros de Melide; Zimzelatum de Gondomar; En lá de Monforte de Lemos; Patapum de Quiroga; Coas Mans Artesanía de Silleda; Mario Coiro da Estrada; Plata Nativa de Sada; e Fiada de Carral.

Neste evento tamén participarán outros obradoiros que contan coa marca Artesanía de Galicia como son Elena Ferro de Vila de Cruces; Arela de Fe de A Guarda e Idoia Cuesta de Outeiro de Rei.

O Festival da luz é un festival multidisciplinar no que teñen cabida non só a música senón tamén actividades lúdicas dirixidas ao público de todas as idades. Complétase cun Mercado da luz, unha mostra das iniciativas que innovan e fomentan a calidade da vida no medio rural.
Máis información
09 Setembro, 2015
A Xunta colabora na II Edición da Pasarela de moda “Calpurnia” que pretende converter á cidade das Burgas como capital da moda e das compras

Ourense, 9 de setembro de 2015.- O delegado territorial da Xunta en Ourense, Rogelio Martínez, participou hoxe na presentación da segunda edición da Pasarela Calpurnia-As Burgas 2015 que se celebrará na tarde noite do sábado 19 de setembro, na cidade ourensá no entorno monumental das Burgas.

Martínez destacou a colaboración da Dirección Xeral de Comercio neste evento que pretende proxectar a cidade como capital da moda e as compras e que conta tamén co patrocinio da Deputación provincial, o Concello e a Federación de Comercio.
Máis información
07 Setembro, 2015
Economía e Industria continúa a colaborar co Concello de Bueu na reforma da súa praza de abastos

Bueu (Pontevedra), 7 de setembro de 2015.- O delegado territorial da Xunta en Pontevedra, José Manuel Cores, visitou esta mañá a praza de abastos de Bueu, en compaña do alcalde da localidade, Félix Juncal. Trátase dunha infraestrutura clave para a dinamización do comercio de proximidade local que vai ser modernizada e remodelada polo Concello a través dun investimento de 39.155 dos que a Consellería de Economía e Industria aporta, a través dunha subvención, 27.408 euros, é dicir o 70%.

Durante a visita, o responsable territorial e o alcalde, analizaron o estado da praza de abastos en compaña do xefe territorial de Economía e Industria, Ignacio Rial Santomé, así como pola portavoz do PP da localidade, Berta Pérez.

Entre as actuacións previstas atópase a adecuación física e a mellora do espazo destinado a mercado tradicional de venta de excedentes da horta. En concreto, crearase un espazo de información e publicidade co obxecto de que os clientes da praza poidan ter información sobre todas as actividades que se van a realizar e a instalación dun equipamento para a mellora do mercadiño de excedentes do campo que se realiza no entorno da praza de abastos.

Para elo, instalarase un banco-posto de venda realizado en materiais resistentes para exteriores. Tamén se cubrirá esta bancada con pórticos de perfís laminados de aceiro e téxtil impermeable, de dimensións aproximadas de 30x5.

O mercado de abastos mellorou no 2014 grazas a unha axuda anterior da Consellería de Economía e Industria, “e na actualidade, o obxectivo de novo proxecto é afianzar as actividades de dinamización comercial da praza e de mellora da imaxe comercial para converter este mercado nun punto de encontro cultural e social, en torno a unha compra cotiá e sostible de produtos de calidade ligados ao territorio”, explicou Félix Juncal.

Cores Tourís recordou que a Consellería de Economía e Industria, que ten no impulso ao sector comercial un dos seus principais eixos de actuación, vén de conceder apoios por preto de 1,5 millóns de euros para a realización de melloras nas prazas de abastos e mercados tradicionais en 29 concellos da provincia de Pontevedra, mediante un programa específico cofinanciado con fondos Feder.

Os concellos que realicen melloras nas prazas deberán poñer en marcha iniciativas dirixidas ao mentoring comercial para os praceiros, encamiñadas a aumentar a rendibilidade do punto de venda mediante técnicas de visual merchandising, a colocación do produto ou a atención ao cliente. Como novidade este ano, primáronse as iniciativas que inclúen a apertura dos mercados en horario de tarde ou a incorporación de aparcadoiros.

Estes apoios enmárcanse no novo Plan estratéxico de impulso ao Comercio de Galicia, unha folla de ruta que destina 70 millóns de euros ata 2020 a modernizar e incrementar a competitividade do comercio de proximidade galego, con 55 accións específicas articuladas arredor de tres grandes retos: afianzar un sector comercial renovado; impulsar o smart commerce e o comercio electrónico; e potenciar o comercio excelente, traballando na dinamización e a mellora continua.
Máis información
01 Setembro, 2015
Artesáns galegos fórmanse en Santiago nas técnicas da plumería na alta costura da man do deseñador Serkan Cura

Santiago, 1 de setembro de 2015.- A directora xeral de Comercio, Sol Vázquez Abeal, visitou esta mañá o curso de “Perfeccionamento de técnicas de plumería para moda” dirixido polo prestixioso deseñador belga de orixe turca Serkan Cura e impulsado pola Consellería de Economía e Industria, a través da Fundación Centro Galego da Artesanía e do Deseño, no marco da súa programación de formación especializada para profesionais do sector.

Un total de 15 artesáns están a participar nesta acción formativa, que se celebra na Escola Mestre Mateo de Santiago de Compostela ata o vindeiro sábado, 5 de setembro e coa que se lle dá continuidade ao curso de iniciación á plumería impartido o ano pasado tamén por Serkan Cura. Especializado nas técnicas de plumería que aplica ás súas pezas creativas, Cura graduouse en deseño de moda pola Royal Academy de Amberes no ano 2007. Rematados os seus estudos, uniuse á firma Jean Paul Gaultier de París, onde traballou durante catro anos no taller creativo. Desde 2012, Serkan Cura conta coa súa propia casa de moda en París.

A organización destas actividades de impulso á formación e á colaboración entre artesanía e outras áreas de traballo forma parte da estratexia da Consellería de Economía e Industria para promover o talento do sector artesanal galego e consolidar un sector competitivo e transversal, un dos grandes retos do Plan de Artesanía de Galicia.
Máis información
28 Agosto, 2015
Economía e Industria colabora co Concello de Sanxenxo na reforma dos aseos da súa praza de abastos

Sanxenxo (Pontevedra), 28 de agosto de 2015.- O delegado territorial da Xunta en Pontevedra, José Manuel Cores, visitou esta mañá a praza de abastos de Sanxenxo, en compaña do alcalde da localidade, Gonzalo Pita. Trátase dunha infraestrutura clave para a dinamización do comercio de proximidade local que vai ser modernizada e remodelada polo Concello a través dun investimento de 22.855 dos que a Consellería de Economía e Industria aporta, a través dunha subvención, 15.199 euros.

Durante a visita, o responsable territorial e o alcalde, analizaron o estado da praza de abastos en compaña do xefe territorial de Economía e Industria, Ignacio Rial Santomé.

Entre as actuacións previstas atópase a demolición dos aseos existentes e o desmontaxe das instalacións, así como a realización de novas divisións en fábrica de ladrillo e revestimento de paramentos a base de vinilo. Tamén se instalou novo falso teito de escaiola, portas de madeira lacada, instalación de fontanería, electricidade e aparatos sanitarios e luminarias.

Cores Tourís destacou a importancia das prazas de abastos como motor da economía local, e deste xeito recordar que nos dous últimos anos investíronse tamén 41.000 euros no mercado de Portonovo, onde se reformou a fachada e se construíu un almacén, “o que ven a supor, xunto a obra que hoxe visitamos, un investimento por parte da Xunta de Galicia de case 64.000 euros para a mellora das prazas de esta localidade”.

A Consellería de Economía e Industria, que ten no impulso ao sector comercial un dos seus principais eixos de actuación, vén de conceder apoios por preto de 1,5 millóns de euros para a realización de melloras nas prazas de abastos e mercados tradicionais en 29 concellos da provincia de Pontevedra, mediante un programa específico cofinanciado con fondos Feder.

Os concellos que realicen melloras nas prazas deberán poñer en marcha iniciativas dirixidas ao mentoring comercial para os praceiros, encamiñadas a aumentar a rendibilidade do punto de venda mediante técnicas de visual merchandising, a colocación do produto ou a atención ao cliente. Como novidade este ano, primáronse as iniciativas que inclúen a apertura dos mercados en horario de tarde ou a incorporación de aparcadoiros.

Estes apoios enmárcanse no novo Plan estratéxico de impulso ao Comercio de Galicia, unha folla de ruta que destina 70 millóns de euros ata 2020 a modernizar e incrementar a competitividade do comercio de proximidade galego, con 55 accións específicas articuladas arredor de tres grandes retos: afianzar un sector comercial renovado; impulsar o smart commerce e o comercio electrónico; e potenciar o comercio excelente, traballando na dinamización e a mellora continua.
Máis información
30 Xullo, 2015
Economía e Industria aposta pola colaboración da artesanía con outras disciplinas no proxecto música no claustro

Tui (Pontevedra), 30 de xullo de 2015.- A Consellería de Economía e Industria, a través da Fundación Centro Galego da Artesanía e do Deseño, aposta pola colaboración da artesanía con outras disciplinas na XI edición de Música no Claustro, que se celebrará do 7 ao 9 de agosto na Catedral de Tui. Baixo o leitmotiv #contrastes, a Catedral acollerá un Festival que aposta pola visibilización da diversidade. No acto de presentación, no que participou a Xerente da Fundación Centro Galego da Artesanía e do Deseño, Elena Fabeiro, déronse a coñecer as actividades que conforma o programa multidisciplinar deste encontro musical, dirixido a todos os públicos.

Este ano contarase coa presenza dos artesáns Idoia Cuesta, Premio Nacional de Artesanía 2014, e Xaneco, nun programa multidisciplinar dirixido a todos os públicos. A artesá vasca dirixirá un taller que ten como obxectivo construír unha escultura inspirada na técnica de niño realizada con vimbio, presente na vida da Catedral e na súa personalidade dende hai 700 anos. Na creación da escultura colaborarán os dez participantes do taller e permanecerá na Catedral exposta aos visitantes.

Por outra banda, desenvolverase un obradoiro de instrumentos tradicionais para adultos da man de Xaneco. A finalidade é dar a coñecer o proceso artesanal de construción dos instrumentos de percusión galegos, coa atención posta no pandeiro, aínda que tamén se traballarán ferramentas, madeiras e peles. Cada participante elaborará, xunto con Xaneco, o seu propio instrumento que, unha vez tensado e afinado, o poderá levar para a súa casa. O obradoiro complétase cun encontro en exclusiva con Xabier Díaz antes do seu concerto.

Os máis cativos poderán participar nun obradoiro de xoguetes sonoros tradicionais, dirixido tamén por Xaneco. Este obradoiro estará destinado a sensibilizar e mostrar o rico patrimonio inmaterial lúdico galego, para o que se transformarán elementos da natureza en tres xoguetes sonoros: asubío de avelá, carrizo de noz e ruxerruxe.

Este proxecto enmárcase na estratexia da Fundación de impulso ao sector artesán, que se centra na aposta pola innovación e o deseño, promovendo a colaboración con outras disciplinas, así como a formación.
Máis información
28 Xullo, 2015
A Xunta apoia investimentos por máis de 7 millóns para impulsar a competitividade do tecido comercial en 107 concellos galegos

Santiago, 28 de xullo de 2015.- A Consellería de Economía e Industria, que ten no impulso ao sector comercial un dos seus principais eixos de actuación, vén de conceder apoios por máis de 5 millóns de euros que posibilitarán realizar investimentos que superan os 7 millóns nun total de 107 municipios galegos co obxectivo de impulsar a competitividade do tecido comercial local.

Por unha banda, 84 concellos recibirán axudas por 3,3 millóns coas que realizarán melloras nas infraestruturas comerciais que suporán un investimento conxunto de 4,8 millóns, dos cales preto do 70% se destinarán ás prazas de abastos e a súa contorna, mentres que o 30% do investimento restante corresponderá aos espazos nos que se celebran os mercados tradicionais e ambulantes.

Os concellos que realicen melloras nas prazas deberán poñer en marcha iniciativas dirixidas ao mentoring comercial para os praceiros, encamiñadas a aumentar a rendibilidade do punto de venda mediante técnicas de visual merchandising, a colocación do produto ou a atención ao cliente. Como novidade este ano, primáronse as iniciativas que inclúen a apertura dos mercados en horario de tarde ou a incorporación de aparcadoiros.

Por outro lado, no eido do impulso ao asociacionismo comercial, véñense de resolver tamén apoios a 48 centros comerciais abertos e 23 asociacións de praceiros por un total de 1,8 millóns de euros. Con estas axudas, coas que se respalda o importante labor que desenvolven ao longo do ano, poñerán en marcha preto de 500 actuacións como campañas de dinamización comercial, sistemas de fidelización ou melloras da sinalización comercial externa e mellora da competitividade; e nas prazas de abastos, actuacións en instalacións e equipamentos. En total, investirán 2,6 millóns de euros en iniciativas que teñen como obxectivo atraer clientela ao comercio de proximidade e mellorar os servizos que se ofrecen aos consumidores.

O impulso ao sector comercial é unha prioridade para a Xunta, que ten en marcha o novo Plan estratéxico de impulso ao Comercio de Galicia. Esta folla de ruta destinará 70 millóns de euros ata 2020 a modernizar e incrementar a competitividade do comercio de proximidade galego, con 55 accións específicas articuladas arredor de tres grandes retos: afianzar un sector comercial renovado; impulsar o smart commerce e o comercio electrónico; e potenciar o comercio excelente, traballando na dinamización e a mellora continua.
Máis información
26 Xullo, 2015
A Xunta impulsa cun millón de euros os proxectos de 60 empresas para saír por primeira vez aos mercados internacionais

Santiago, 26 de xullo de 2015.- A Xunta impulsará nos vindeiros meses cun millón de euros os proxectos de 60 pemes galegas para saír por primeira vez aos mercados internacionais, contribuíndo cunha nova edición do Plan Primex a un traballo exportador que ten permitido a Galicia bater en 2013 e 2014 os seus récords históricos de exportacións, balanza comercial, taxa de cobertura e empresas exportadoras regulares, éxito que se ten prolongado nos cinco primeiros meses do ano, cun crecemento do 4,2% sobre o mesmo período de 2014.

Esta nova convocatoria do Primex permitirá ás compañías galegas dispoñer de apoios que cobren ata o 75% do gasto subvencionable de cara a impulsar esas primeiras implantacións no exterior, a través de proxectos conxuntos que unan ás pemes en proxectos de cooperación que lles permitan unir esforzos, compartir custos e, se fose o caso, desenvolver estratexias de marca.

Entre as novidades da convocatoria, destaca a maior flexibilidade para que as empresas accedan ao Plan. Neste senso, se apoiarán iniciativas levadas a cabo por al menos dúas empresas que colaboren entre si, fronte ao mínimo de tres empresas requeridas nas convocatorias anteriores. Ademais, se impulsarán por primeira vez actuacións tanto en orixe como en destino, e os beneficiarios dos apoios terán a posibilidade de solicitar un anticipo destes apoios, facilitando o financiamento dos proxectos.

Deste xeito, o Primex facilitará a creación de filiais e oficinas de promoción no estranxeiro, así como ao desenvolvemento de plataformas ou proxectos cooperativos de internacionalización. O Primex enmárcase dentro da Estratexia de Internacionalización da Empresa Galega 2020, que está a promover a Xunta co obxectivo de incrementar as exportacións, as empresas exportadoras e a captación de investimentos estranxeiros nun 25%.

No marco desta estratexia, o Primex tense probado como unha iniciativa de referencia, promovendo a colaboración empresarial para establecerse por primeira vez en novos mercados. A través deste plan téñense impulsado xa 50 proxectos de cooperación en sectores clave para Galicia como o naval, a automoción, a construción ou a alimentación. Neles participan máis de 200 empresas galegas que se están a implantar en 19 países, como Alemaña, Brasil, China, Estados Unidos, Francia, México, Panamá, Reino Unido ou Francia.
Máis información
24 Xullo, 2015
Conde reúnese co alcalde de Ourense para abordar actuacións conxuntas de impulso ao comercio e ao tecido empresarial ourensán

Santiago, 24 de xullo de 2015.- O conselleiro de Economía e Industria, Francisco Conde, reuniuse hoxe co alcalde de Ourense, Jesús Vázquez, para abordar actuacións conxuntas de impulso ao comercio e ao tecido empresarial ourensán, sectores que Conde calificou como motores claves do emprego do municipio. Durante o encontro, mantido na sede da Xunta en San Caetano, o conselleiro e o rexedor analizaron polo miúdo o apoio ao comercio de proximidade da cidade das Burgas, na busca de actuacións compartidas que permitan incrementar a competitividade dos establecementos.

Conde salientou que esa vontade do Goberno galego responde ao constante apoio que a consellería vén prestando durante os últimos anos ao tecido comercial ourensán, mediante o respaldo ás asociacións de comerciantes da localidade, que teñen permitido amplas oportunidades de mellora para o tecido comercial.

Ademais de estudar eses avances, Conde e Vázquez trataron ademais as distintas iniciativas de apoio ao tecido empresarial e industrial ourensán. Neste eido, ambos coincidiron na necesidade de impulsar a dinamización empresarial do municipio, a través do apoio ás empresas, o impulso aos emprendedores e a mellora das infraestruturas empresariais, como claves para garantir o desenvolvemento económico.

Conde trasladoulle ademais a Vázquez os últimos avances en relación ao polo tecnolóxico e industrial de avións non tripulados, no que, dixo, Ourense está chamado a xogar un papel importante. Un rol que, incidiu, vén dado tanto pola implantación no campus de Ourense da titulación de enxeñería aeroespacial, como da presenza de importantes empresas do sector aeronáutico na provincia.

Conde e Vázquez analizaron tamén o potencial da aceleradora Agrobiotech para as empresas de Ourense. Este espazo, situado no Parque Tecnolóxico de Ourense-Tecnópole, ten arrancado a súa actividade coa selección de 11 compañías galegas dos sectores agroalimentario, biotecnolóxico e da biomasa. Conde trasladou a Vázquez que estas empresas contan cunha folla de ruta individualizada para impulsar o seu crecemento, facilitando o financiamento e, especialmente, incrementando o seu potencial innovador.
Máis información
23 Xullo, 2015
O establecemento Mímate Delicatessen gaña o premio “Comercio con talento” en Pontevedra

Pontevedra, 23 de xullo de 2015.- A directora xeral de Comercio, Sol Vázquez Abeal, foi a encargada de entregar esta mañá o premio ao establecemento Mímate Delicatessen, gañador en Pontevedra do certame “Comercio con talento”, unha iniciativa da Consellería de Economía e Industria coa que se busca impulsar a innovación e o emprendemento no sector comercial galego, ao tempo que se promove o coñecemento e o contacto do alumnado de formación profesional co sector e a súa realidade, complementando así a súa formación.

En Pontevedra foron os alumnos do Ciclo Medio de Comercio e do Ciclo Superior de Xestión Comercial e de Marketing do IES Luís Seoane de Monteporreiro os encargados de propoñer en equipos a candidatura do establecemento comercial que, ao seu xuízo, é o máis innovador da cidade. Posteriormente, un xurado especializado escolleu aos negocios gañadores entre as diferentes candidaturas, obtendo o equipo que a presentou tarxetas agasallo para mercar no comercio local. En toda Galicia participaron preto de 40 grupos de alumnos de 14 centros de ensino.

Mímate Delicatessen, situado no casco histórico da cidade pontevedresa, destaca pola súa ampla e variada gama de tés de todo o mundo. Ademais, no establecemento pódense atopar diversos produtos elaborados artesanalmente no seu obradoiro, empregando sempre produtos naturais. A súa candidatura foi presentada por un grupo de mozas do Ciclo Superior de Xestión Comercial e de Marketing: Alba Corbacho Presas, Tania Nodar López e Isabel Souto.

A directora xeral de Comercio tamén fixo entrega do primeiro premio do concurso autonómico de fotografía que se celebrou como complemento ao premio “Comercio con talento”, co obxectivo de convidar á cidadanía a reflexionar sobre o talento nos establecementos, en eidos como o escaparatismo, a selección de produtos á venda ou o packaging. Noemí Poceiro Argibay foi a que máis votos recibiu nas redes sociais grazas á fotografía presentada da tenda pontevedresa El Baúl de Elsa, e recibiu unha tarxeta agasallo para mercar no comercio local,

A posta en marcha de “Comercio con talento”, que conta coa colaboración de Abanca, enmárcase na estratexia de impulso ao sector comercial da Consellería de Economía e Industria, que no que vai de ano leva activados programas de apoio por preto de 10 millóns de euros centrados en eidos como a innovación e a modernización, o respaldo ao asociacionismo comercial ou a potenciación dos mercados e prazas de abastos.

Máis información
22 Xullo, 2015
Os establecementos Ámboa–Maeloc e Pijus Magnífikus gañan os premios “Comercio con talento” en Santiago

Santiago, 22 de xullo de 2015.- A directora xeral de Comercio, Sol Vázquez Abeal, foi a encargada de entregar esta mañá os premios aos establecementos Ámboa-Maeloc e Pijus Magnífikus, gañadores en Santiago do certame “Comercio con talento”, unha iniciativa da Consellería de Economía e Industria coa que se busca impulsar a innovación e o emprendemento no sector comercial, ao tempo que se promove o coñecemento e o contacto do alumnado de formación profesional co sector e a súa realidade, complementando así a súa formación.

En Santiago foron os alumnos do Ciclo Medio de Comercio e do Ciclo Superior de Xestión Comercial e de Marketing do IES Pontepedriña os encargados de propoñer en equipos a candidatura do establecemento comercial que, ao seu xuízo, é o máis innovador da cidade. Posteriormente, un xurado especializado escolleu aos negocios gañadores entre as diferentes candidaturas, obtendo os equipos que as presentaron premios para mercar no comercio local. En toda Galicia participaron preto de 40 grupos de alumnos de 14 centros de ensino e 40 traballos.

Ámboa – Maeloc, con varios establecementos en Santiago dedicados á artesanía, cerámica e xoiería e máis de 30 anos de traxectoria, é un espazo no que a ourivería do acibeche ocupa un lugar especial ao tratarse do oficio tradicional máis característico da cidade compostelá. O grupo de estudantes de Xestión Comercial, Ana de la Torre, Eva Ferradás, Marga Olveira e Iria Seoane, destacou no seu traballo a aposta polos artesáns máis novos e menos coñecidos de Galicia. Neste senso, un dos puntos clave para estas mozas é o feito de poder adquirir pezas únicas e feitas a man, o que lle aporta un valor engadido ao establecemento.

Pola súa banda, a tenda de agasallos orixinais e merchandising Pijus Magnífikus abriu as súas portas ao público hai pouco máis de seis meses grazas a tres mozos emprendedores, Xurxo, Andrea e Francisco. O escaparate e a decoración interior, caracterizada polo humor, a banda deseñada ou o cinema, foi o máis resaltado do traballo do outro grupo do IES de Pontepedriña premiado, formado por Belén Cancela, Diego Cobas, Martín García e Noelia García, alumnos tamén do Ciclo Superior de Xestión Comercial e Marketing.

A posta en marcha de “Comercio con talento”, que conta coa colaboración de Abanca, enmárcase na estratexia de impulso ao sector comercial da Consellería de Economía e Industria, que no que vai de ano leva activados programas de apoio por preto de 10 millóns de euros centrados en eidos como a innovación e a modernización, o respaldo ao asociacionismo comercial ou a potenciación dos mercados e prazas de abastos.
Máis información
20 Xullo, 2015
O programa Lecer Consumo do IGC fomenta o consumo responsable a través de actividades lúdicas para todas as idades

Santiago, 19 de xullo de 2015.- A Consellería de Economía e Industria, a través do Instituto Galego de Consumo, vén de activar unha nova edición do programa Lecer Consumo, co que se busca aproximar á poboación os valores do consumo responsable a través de actividades participativas e lúdicas. O programa de actividades, que este ano leva o lema Nestas vacacións... Achégate a un lecer responsable! e xira arredor dos xogos populares e da publicidade, desenvolverase tanto na sede da Escola Galega de Consumo como dentro dos campamentos urbanos e outras iniciativas que levarán a cabo diversos concellos e entidades ata o remate de agosto.

Lecer Consumo, no que o verán pasado participaron preto de 1.200 persoas, está dirixido ao conxunto da poboación galega, adaptando a súa oferta ás necesidades de cada colectivo participante tendo en conta criterios de idade.

Para nenos e nenas de 3 a 7 anos proponse un obradoiro en torno ás alternativas de ocio que non respondan só ao lecer como produto de consumo, coa proposta de Un lecer máxico, que inclúe un conto e a creación dun xoguete, mentres que para os rapaces de 9 a 16 anos se propón unha xincana de Lecer, Publicidade e TIC. Trátase dun xogo para relacionarse e valorar diferentes posibilidades de consumo. Ao remate desta actividade os participantes gravarán un vídeo por grupos promocionando actividades de lecer que se poidan levar a cabo no seu concello. Estes vídeos serán publicados a partir do mes de setembro no facebook da Escola Galega de Consumo, no que se terá que votar ao máis orixinal, divertido e innovador, e o que resulte en primeiro lugar recibirá un agasallo.

Os participantes maiores de 16 anos poderán coñecer criterios de seguridade nas diferentes formas de viaxar, a compra de viaxes pola internet, así como os dereitos que teñen os consumidores do tempo de lecer a través do obradoiro Oca: o xogo da xente viaxeira. Tamén se organiza unha charla sobre alternativas para un ocio saudable a todas as idades, destinado ao público adulto.

A oferta e as condicións de participación de Lecer Consumo 2015: Nestas vacacións... Achégate a un lecer responsable! poden consultarse na páxina web do Instituto Galego de Consumo, desde onde os colectivos interesados poden descargar a folla de inscrición.
Máis información
10 Xullo, 2015
Conde subliña que o selo Galicia Calidade reforzará a competitividade do sector do granito galego mellorando o seu posicionamento internacional

Santiago, 10 de xullo de 2015.- O conselleiro de Economía e Industria, Francisco Conde, o presidente do Clúster do Granito, Guillermo Pérez Aboy, e a Fundación Centro Tecnolóxico do Granito asinaron hoxe, xunto ao xerente de Galicia Calidade, Alfonso Cabaleiro, un acordo que permitirá incorporar o selo de Galicia Calidade ao sector, reforzando a súa competitividade ao funcionar como aval da excelencia das empresas. Unha iniciativa, subliñou Conde, que contribuirá a mellorar o posicionamento internacional dun sector que, o ano pasado, acadou un record histórico exportador ao sumar 113 millóns de euros, un 3,14% máis que no 2013.

“A calidade e a reputación do granito galego é de todos coñecida, facendo del un dos nosos sectores máis competitivos”, incidiu Conde, quen destacou que esta industria e líder indiscutible a nivel nacional, situándose como a segunda máis importante de Europa, tras Italia, e a quinta do mundo.

Así mesmo, explicou, o sector está a apostar pola innovación ocupando un lugar destacado na Estratexia de Especialización Intelixente – RIS3, que ten entre os seus retos o desenvolvemento dun novo modelo de xestión dos recursos naturais. Un compromiso coa innovación que, segundo destacou Conde, sitúa ao granito na posición adecuada para xogar un papel fundamental na reindustrialización de Galicia promovida polo Goberno galego a través da Axenda da Competitividade Galicia – Industria 4.0.

Neste contexto, proseguiu, o selo Galicia Calidade, non só potenciará a propia marca de calidade que xa está a desenvolver o Clúster para o granito Rosa Porriño, senón que mesturará “o impulso da marca galega máis internacional coas potencialidades dun sector netamente exportador”, diferenciándoo aínda máis dos seus competidores.

O conselleiro resaltou que o acordo posibilitará que o selo, que representa unha “forma distinta e galega de facer as cousas” e suma máis de 52 empresas e 300 produtos, reforzará o compromiso das empresas por ofrecer os mellores produtos e servizos. En concreto, Conde resaltou que a concesión do selo permitirá por o foco no impulso da competitividade das empresas. Neste sentido, lembrou, este ano Galicia Calidade xa ten ampliado o eido de acción a ámbitos como a biomasa ou o turismo.

O titular de Economía e Industria subliñou que desta maneira as mellores empresas galegas do granito poderán aproveitar o impulso dunha marca, a de Galicia Calidade, “recoñecida non só en toda España senón tamén no eido internacional”, grazas á presenza global de produtos únicos galegos, como é o caso do modelo Rosa Porriño. Así, defendeu, Galicia aproveitará a asociación que os consumidores fan hoxe entre produto galego e calidade, para trasladar esa mesma percepción ao ámbito do granito e potenciar a capacidade exportadora das empresas.

“Todos estes obxectivos queremos acadalos, unha vez máis, desde a unidade de acción entre a administración e o sector”, salientou o titular de Economía e Industria, quen explicou que o acordo de hoxe reforza un traballo conxunto que nos últimos anos ten permitido mobilizar 20 millóns potenciando a innovación e impulsando a vocación internacional do sector.
Máis información

Páxina 16 de 85

Mostrando do 301 ao 320 dun total de 1686 rexistros