Actualidade Comercial

30 Setembro, 2014
Economía e Industria impulsa a participación da artesanía galega en feiras profesionais e comerciais de toda Europa

Santiago, 30 de setembro de 2014.- O Diario Oficial de Galicia publica hoxe a resolución de axudas polas que se apoia un total de 59 actuacións de comercialización en feiras profesionais e de venda directa levadas a cabo por obradoiros inscritos no Rexistro Xeral de Artesanía de Galicia, no marco do programa de apoios para o fomento da comercialización da artesanía galega e impulso da competitividade do sector artesán. Deste programa resultaron beneficiadas un total de 22 empresas artesás.

Ademais das axudas destinadas á asistencia a feiras profesionais tanto internacionais como nacionais e a apoiar a participación en feiras de venda directa nacionais, tamén se inclúen apoios á formación especializada. Os obradoiros apoiados desenvolven a súa actividade profesional nos eidos da xoiería, a bixutería, a ourivería, a pratería, a marroquinería, a albardaría e talabartería, o vidro, a cerámica, o papel, a elaboración de instrumentos musicais, os arranxos florais, a zapatería ou a elaboración de zocos.

Esta orde de axudas enmárcase no novo Plan de Artesanía de Galicia, unha folla de ruta impulsada pola Consellería de Economía e Industria coa que se busca acadar un sector artesán sólido e sostible no tempo e que contribúa ao crecemento da economía galega, incidindo na competitividade empresarial e a potenciación do talento galego.

Entre outras liñas de accións este plan, que potencia a marca Artesanía de Galicia como eixe da promoción e a comercialización, contempla o apoio á internacionalización da empresa artesá galega, así coma o impulso á formación especializada. Neste sentido, a propia Consellería promove a presenza da marca e do produto artesán galego en dúas feiras de referencia en Europa no eido da decoración de interiores como son Tent London, no Reino Unido, e Formex, en Estocolmo. Grazas ás axudas que hoxe publica o Diario Oficial de Galicia, os obradoiros galegos poden buscar novas oportunidades de negocio en feiras como Madridjoya en Madrid, Inhorgenta en Múnic; Bijorhca e Maison & Objet en París; ou Homi en Milán.
Máis información
30 Setembro, 2014
DECRETO 125/2014, do 4 de setembro, polo que se regula en Galicia a venda directa dos produtos primarios desde as explotacións á persoa consumidora final.

Consellería del Medio Rural y del Mar

DECRETO 125/2014, de 4 de septiembre, por el que se regula en Galicia la venta directa de los productos primarios desde las explotaciones a la persona consumidora final.

La venta directa en ferias y mercados constituyó durante siglos el canal principal de comercialización de los productos agrarios. El crecimiento de la población y el desarrollo de la sociedad en modelos urbanos requirieron contar con la garantía de un abastecimiento alimentario en cantidad y calidad suficiente. Esta necesidad transformó profundamente la estructura de la cadena de valor de la producción alimentaria. El sistema tradicional de comercialización cambió hasta esquemas de mayor complejidad, caracterizados por la importante presencia de intermediarios y la influencia decisiva de las empresas de distribución en la fijación de los precios agrarios. Simultáneamente, las personas productoras fueron perdiendo capacidad negociadora y disminuyendo la posibilidad de fijar márgenes comerciales adecuados para conseguir una rentabilidad suficiente de su actividad.

El análisis del tejido agrario gallego actual muestra la consolidación de una dualidad estructural: por una parte, un grupo limitado de medianas y grandes explotaciones gestionadas a tiempo completo por agricultores/as y ganaderos/as, que hacen de ellas su único medio de vida; de otra, un grupo creciente de pequeñas explotaciones multifuncionales que requieren de una ocupación a tiempo parcial que completa las rentas de las personas titulares. Ambas alternativas contribuyen positivamente a la generación de empleo agrario y a la fijación de la población en el medio rural.

Máis información
27 Setembro, 2014
Preto de 150 artesáns abren os seus obradoiros ao público nas Rutas de Artesanía coas que a Xunta impulsa os oficios tradicionais como atractivo turístico

Sober (Lugo), 27 de setembro de 2014.- O conselleiro de Economía e Industria, Francisco Conde, e a directora de Turismo de Galicia, Nava Castro, presentaron hoxe no Centro Oleiro da Reitoral de Gundivós (Sober) a iniciativa Rutas de Artesanía, un proxecto conxunto co que a Xunta promove a posta en valor dos oficios tradicionais e o seu impulso como atractivo turístico no que están a participar preto de 150 artesáns de toda Galicia que abren os seus obradoiros ao público.

Tal e como salientou Francisco Conde, o proxecto nace do vínculo natural entre artesanía e turismo, salientando que a Artesanía de Galicia “achega un elemento diferenciador á oferta turística, cunha actividade fortemente ligada ao territorio que permite fixar emprego e tecido empresarial no rural”, e apuntando que a través desta iniciativa os visitantes poderán “coñecer e sentir a artesanía no seu entorno”.

Nestes aspectos incide a iniciativa Rutas de Artesanía, que inclúe unha aplicación móbil, Obradoiros Abertos, que parte dun traballo previo da Asociación Galega de Artesáns, e que agora incorpora a máis profesionais, todos eles coa marca Artesanía de Galicia, así como novas funcionalidades e rutas vinculadas ao Camiño de Santiago. Esta aplicación, dispoñible para Android e iOS, achega información sobre cada obradoiro ou punto de interese, xeolocalízao e proporciona a ruta para chegar ata el desde a ubicación do usuario. Como complemento a esta ferramenta, deseñáronse mapas por cada unha das provincias, que se están a distribuír nos principais puntos de interese artesán e turístico.

As Rutas de Artesanía contemplan, ademais, a realización de diferentes accións para zonas de destacado interese turístico, como a propia Ribeira Sacra ou San Andrés de Teixido, nas que se está a avanzar xa, e que se suman ás realizadas previamente pola Fundación Centro Galego da Artesanía e do Deseño coas colareiras do Grove ou as redeiras, apostando pola posta en valor dos oficios tradicionais a través da diversificación e a profesionalización, e impulsando a súa incorporación á marca Artesanía de Galicia.

Apuntou Conde que a iniciativa que hoxe se presentou permite avanzar no contemplado no Plan de Artesanía de Galicia, elaborado xunto co sector co obxectivo de conseguir un sector artesán sólido e sostible no tempo e que contribúa ao crecemento da economía galega, incidindo na competitividade empresarial e a potenciación do talento galego.

Para iso, tal e como subliñou o conselleiro de Economía e Industria, o plan márcase tres retos: afianzar a competitividade, reforzando un sector artesanal competitivo capaz de aglutinar todo o talento artesanal galego; consolidar a marca diferencial, impulsando o posicionamento e prestixio da marca Artesanía de Galicia; e potenciar unha artesanía innovadora e transversal, promovendo a innovación, a presenza dos produtos galegos artesáns na rede e a cooperación con outros sectores produtivos.

Día Mundial do Turismo
Pola súa banda, a directora de Turismo de Galicia sinalou que non hai mellor data para presentar as Rutas de Artesanía que un día tan especial como o Día Mundial do Turismo, que este ano se celebra baixo o lema “Turismo e desenvolvemento comunitario” co propósito de divulgar e sensibilizar acerca do valor social, cultural, político e económico do sector.

Nava Castro explicou que o turismo é fundamental para a xeración de ingresos e o desenvolvemento dos territorios dunha maneira sostible e que, ademais, potencia a participación local e o progreso a nivel comunitario. “O turismo convertese nun catalizador da cohesión social ao involucrar á poboación local nas actividades do propio sector”, afirmou a directora de Turismo de Galicia.

Así mesmo, Nava Castro, destacou que as Rutas da Artesanía son unha oportunidade para a interacción social e a participación de todos os galegos en xeral e os artesáns en particular no turismo da nosa comunidade. Este novo produto turístico únese a outros promovidos pola Xunta de Galicia para incentivar a relación entre turistas e veciños, como o turismo mariñeiro, enolóxicos ou o Outono Gastronómico, entre outros.

A directora de Turismo de Galicia, referiuse a artesanía como un símbolo do marcado carácter tradicional de Galicia que co paso do tempo foi modernizando o seu proceso produtivo para mellorar o rendemento e a calidade dos produtos. “A tradición e o vangardismo alíanse neste produto turístico que outorga a posibilidade non so de descubrir o noso territorio senón que tamén mostra a nosa cultura e costumes a aqueles que nos visitan”, sinalou Nava Castro.

Para finalizar, a directora de Turismo de Galicia, recordou que o Plan Integral de Turismo recolle a revalorización da artesanía de Galicia como elemento tradicional e cultural diferenciador, fomentando a cooperación entre empresas turísticas e actores e produtos artesanais. “Con este proxecto pioneiro que estamos a presentar hoxe estase dando un paso adiante no cumprimento destes obxectivos co fin de potenciar a artesanía como un produto turístico de primeiro orde e que complementa a outros consolidados como o Camiño de Santiago, o turismo rural ou o turismo urbano”, destacou Nava Castro.
Máis información
23 Setembro, 2014
"Venres nas Librarías" reúne a lectores e autores arredor dos últimos libros

Santiago, 23 de septiembre de 2014.- Las consellerías de Cultura, Educación e Ordenación Universitaria y de Economía e Industria de la Xunta de Galicia, junto con la Federación de Librarías de Galicia y la Asociación Galega de Editores (AGE), presentaron esta mañana Venres nas Librarías, un programa de actividades para este otoño con las que promover el encuentro de los lectores y lectoras con los nuevos títulos del mercado editorial gallego y sus autores y autoras en el espacio de las librerías.

"Para la consecución de una mejora progresiva de los índices de lectura y para otorgarle al libro el papel central que debe ocupar en nuestra sociedad", el titular de Cultura e Educación, Xesús Vázquez Abad, se refirió a la importancia de "establecer programas coordinados entre los diferentes agentes que favorezcan la dinamización del libro y de la lectura entre el conjunto de la ciudadanía".

En la rueda de prensa participaron, asimismo, la directora xeral de Comercio, Sol Mª Vázquez; la presidenta de la Asociación Gallega de Editores, Laura R. Herrera; la presidenta de la Federación de Librarías de Galicia, Pilar Rodríguez; y la subdirectora xerl de Bibliotecas, Cristina Rubal.

"Una tarde de viernes compartida alrededor de un libro"
Con este objetivo nace esta nueva iniciativa de fomento del libro y de la lectura, que tiene como protagonistas títulos gallegos publicados a lo largo del último año y que se desarrollará todos los viernes durante los meses de octubre y noviembre de este año. En este sentido, el programa propone "una tarde de viernes compartida alrededor de un libro" y "ponen su foco en los establecimientos dedicados a la venta y promoción del libro como punto de referencia para los lectores", afirmó el conselleiro, que se refirió a las librerías como "un agente cultural indispensable para la consolidación del tejido cultural gallego".

Nuevo ánimo para el sector del libro
Segundo explicó Vázquez Abad, "la convergencia de esfuerzo de los editores con los autores, con los libreros, con la ciudadanía lectora que acuda la cada una de estas citas literarias, y la labor conjunta de difusión con el que vamos a acompañar este programa las instituciones públicas permitirán abrir este otoño con un nuevo ánimo para el sector del libro y para la promoción de la lectura".

Andel do agasallo: concurso de libros en las redes sociales
En ese sentido, la campaña también contará con una vertiente en las redes sociales de Cultura, en Facebook y Twitter, en las que cada semana se abrirá un pequeño concurso de pistas para el descubrimiento de alguno libro gallego, con el que se agasajará el lector o lectora que lo descubra. Para participar en este concurso, Estantería del regalo, en @conscultura con el hashtag #andeldoagasallo y en la página www.facebook.com/culturagalegaxunta se irán facilitando pistas para adivinar de que libro se habla cada semana en las redes.

La rueda de prensa de presentación de Venres nas Librarías, que tuvo lugar en la Cidade da Cultura de Galicia, en Santiago de Compostela, también contó con la participación de la presidenta de la Asociación Galega de Editores, Laura Rodríguez; de la presidenta y del vicepresidente de la Federación de Librarías de Galicia, Pilar Rodríguez y Antón Pedreira, respectivamente; y de la subdirectora xeral de Bibliotecas, Cristina Rubal.

Libros y librerías
Los asociados de AGE son los encargados de elaborar la propuesta de libros, de acuerdo con los autores y autoras, que forman parte de la primera edición del programa, en el que pueden participan librerías de todo el territorio de la Federación de Librarías de Galicia.

El calendario del programa, que incluye un total de 15 títulos de Edicións Xerais, Ediciones Embora, Hércules de Ediciones y Tosoxoutos, llegará en las próximas semanas a los ayuntamientos de Lalín, Vigo, A Coruña, Moaña, Ourense, Santiago de Compostela, Narón y Lugo a través de las librerías Vagalume, Casa del Libro, Cartabón, FNAC, El Pontillón, Andel, La Región, Pedreira, Librouro, Day y Trama,

"Esperamos que estos próximos Venres nas Librarías -concluyó Vázquez Abad- sean una cita ya ineludible, que nos ayuden a dar a conocer las novedades editoriales que se presentan en Galicia cada año y, sobre todo, que animen las lectoras y los lectores a la lectura de estos nuevos títulos y de acercarse con frecuencia a las estanterías de las librerías".
Máis información
18 Setembro, 2014
Raquel Arias recibe a presidenta de AJE Galicia e de AJE Lugo, cos que abordou diversos temas de interese para os xoves empresarios

A delegada territorial subliñou o interese da Xunta en simplificar os trámites que os emprendedores deben realizar para iniciar a actividade, destacando a Lei do emprendemento, que elimina con carácter xeral as licencias municipais de obra e actividade

Lugo, 18 de setembro de 2014.- A delegada territorial da Xunta, Raquel Arias, mantivo hoxe unha xuntanza coa presidenta da Asociación de Jóvenes Empresarios de Galicia (AJE Galicia), Carmen López Rodríguez, e co presidente de AJE Lugo, Juan Manuel López Labarada, cos que abordou distintos temas de interese para os xoves empresarios.

A delegada puido así coñecer de primeira man a situación actual do sector, cales son os proxectos en marcha e as súas principais demandas, en especial no que se refire á actividade relacionada coa Xunta de Galicia.

A representante do Executivo galego considerou fundamental simplificar os trámites que os emprendedores deben realizar ante as administracións e responder aínda con maior eficacia ás necesidades e propostas dos empresarios. Neste contexto, destacou a nova Lei do Emprendemento e da Competitividade de Galicia, que elimina con carácter xeral as licencias municipais de obra e actividade.

Arias referiuse tamén a importancia de que as administracións públicas e os axentes sociais traballen de xeito coordinado, “as primeiras creando as condicións axeitadas e os segundos desenvolvendo as súas ideas, xa que desta simbiose debe resultar o progreso económico e social que todos perseguimos”.

A delegada territorial valorou de forma positiva a xuntanza e asegurou que “reunións como esta permítennos poñer en común opinións, inquedanzas e novas propostas. Ver, en definitiva, os pasos que se deben dar cara ó futuro, tanto dende as empresas como dende as institucións”.
Máis información
26 Agosto, 2014
Mais de 2.000 negocios galegos participaron xa na campaña ´Máis que comercio!´

´Máis que comercio!´ suma xa 2.2000 establecementos.

Máis de 2.200 negocios galegos participaron xa na campaña Centros comerciais abertos. Máis que comercio! posta en marcha en marzo pola Consellería de Economía e Industria en Marzo... Trátase, explica a Xunta, dunha iniciativa de "dinamización comercial" que nestes cinco meses rexistrou máis de 170.000 participacións de clientes nas 22 cidades e vilas as que chegou e seguirá percorrendo a comunidade durante todo o ano. Os clientes dos comercios asociados os distintos centros comerciais abertos reciben un ´boleto por cada cinco euros de compra co que entran en sorteos de agasallos e premios en metálico. No que vai de ano, a Xunta destinou 10 millóns de euros a programas para impulsar o comercio.

Fonte: El Correo Gallego
11 Agosto, 2014
A XUNTA ACHEGA AOS COMERCIANTES CORUÑESES O NOVO PROGRAMA PARA POTENCIAR A TRANSMISIÓN XERACIONAL E A INNOVACIÓN NO SECTOR

Enlace á noticia
Máis información
05 Agosto, 2014
A Xunta impulsa actuacións por 5,5 millóns coas que se potencian as prazas de abastos e o comercio local en 73 concellos galegos

Achegamos enlace da noticia
Máis información
21 Xullo, 2014
Rodeiro participa no programa ´Lecer Consumo´ de Industria

Rodeiro figura entre os máis de 20 concellos e asociacións que colaboran coa iniciativa Lecer Consumo, que organiza o Instituto Galego do Consumo para fomentar o consumo responsable a través do ocio estival. A edición de este ano leva por título Mergúllate nun lecer de balde!. Entre as actividades inclúense xogos populares e contos para nenos, así como aulas sobre seguridad ede compras a través de internet, para os adultos.
Máis información
21 Xullo, 2014
O programa Lecer Consumo do IGC fomenta o consumo responsable a través de actividades lúdicas para todas as idades

Santiago, 20 de xullo de 2014.- A Consellería de Economía e Industria, a través do Instituto Galego de Consumo, está a desenvolver a quinta edición do programa Lecer Consumo, co que se busca aproximar á poboación os valores do consumo responsable a través do ocio estival.O programa de actividades, que este ano leva o lema Mergúllate nun lecer de balde! e xira arredor dos xogos populares, desenvolverase tanto na sede da Escola Galega de Consumo como dentro dos campamentos urbanos e outras iniciativas que levarán a cabo diversos concellos e entidades para os meses de xullo a setembro.

Lecer Consumo, no que o verán pasado participaron máis de 1.000 persoas a través dunha trintena de actividades, está dirixido ao conxunto da poboación galega, adaptando a súa oferta ás necesidades de cada colectivo participante tendo en conta criterios de idade. Este verán, xa hai máis de vinte asociacións e concellos de toda Galicia que están a colaborar co programa, aberto á presentación de solicitudes.

Así, actualmente están a participar os concellos de Rois, Abegondo, Antas de Ulla, Rodeiro, O Incio, O Grove, Bergondo, Pereiro de Aguiar, Miño, Vilarmaior, Boiro, Camariñas, San Sadurniño, Boqueixón, Ponteceso, Alfoz, Valadouro, Muros, Ponteceso, Dodro e Ribadumia, así como o Centro Cultural e Recreativo de Beade, a Asociación Integro da Comarca de Bergantiños, o Campamento Urbano de Esteiro e a Asociación de Mulleres A Teixeira.

Para nenos e nenas de tres a oito anos proponse un obradoiro en torno ás alternativas de ocio que non respondan só ao lecer como produto de consumo, coa proposta de Xogar é de balde!, que inclúe un conto ou varios xogos populares, mentres que para os rapaces de 9 a 16 anos se propón unha xincana de Lecer, Publicidade e TIC. Trátase dun xogo para relacionarse e valorar diferentes posibilidades de consumo. Ao remate desta actividade os participantes gravarán un vídeo por grupos promocionando actividades de lecer que se poidan levar a cabo no seu concello. Estes vídeos serán publicados a partir do mes de setembro no facebook da ECG, onde poderán ser votados, e o que resulte en primeiro lugar recibirá un agasallo.

Os participantes maiores de 16 anos poderán coñecer criterios de seguridade nas diferentes formas de viaxar, a compra de viaxes pola internet, así como os dereitos que teñen os consumidores do tempo de lecer a través do obradoiro Oca: o xogo da xente viaxeira. Tamén se organiza unha charla sobre alternativas para un ocio saudable a todas as idades, destinado ao público adulto.

A oferta e as condicións de participación de Lecer Consumo 2014: Mergúllate nun lecer de balde poden consultarse na páxina web do Instituto Galego de Consumo, desde onde os colectivos interesados poden descargar a folla de inscrición.
Máis información
17 Xullo, 2014
Economía e Industria impulsa a promoción e a comercialización da artesanía galega na feira Chalana de Pontevedra

Pontevedra, 17 de xullo de 2014- A Consellería de Economía e Industria, a través da Fundación Centro Galego da Artesanía e do Deseño, apoia un ano máis a sétima edición de Chalana - Feira Atlántica da Artesanía e Deseño, dentro da estratexia de impulso ao sector artesán galego. A mostra prolongarase ata o vindeiro 5 de agosto, na praza da Ferrería, en horario de 11:00 a 14:00 e de 19:00 a 23:00 horas.

O programa do encontro conta cunha variada oferta de actividades artesanais, a través dos 17 expositores que participan, 14 deles inscritos no Rexistro Xeral de Artesanía de Galicia que xestiona a Xunta e que contan coa marca Artesanía de Galicia. No eido da cerámica están os artesáns Rocío Frade, Alfonso Otero Regal e Pilar Piñeiro. En canto ao traballo do coiro, contarase coa presenza de Edita Oca, do obradoiro Jatafarta, e Patri Puga. Relacionados co téxtil, a tecedora Mª Xosé Lois, do obradoiro Cuaderna Maestra, e máis o obradoiro de serigrafía e deseño téxtil Rei Zentolo.

Na feira tamén hai un espazo dedicado á xoiería en prata a través dos postos de A Feitura e Crisol de Abril, máis especializado no traballo de vidro e prata. A forxa e a ferrería estarán representadas a cargo dos artesáns José Ortiz e Celso A. Nuñez Ferreiro. O evento complétase cos obradoiros Trebello, do artesán Javier Malvárez, e Arcoiris, da artesá Marlen Hofmann, especializados na elaboración de xoguetes, e Laureano Muñoz, coa elaboración de instrumentos musicais.

A colaboración coa organización deste encontro enmárcase na estratexia de impulso ao sector artesán que desenvolve a Consellería de Economía e Industria, que vén de activar o novo Plan de Artesanía de Galicia. O obxectivo desta folla de ruta é conseguir un sector artesán sólido e sostible no tempo e que contribúa ao crecemento da economía galega, incidindo na competitividade empresarial e a potenciación do talento galego.

As feiras de venda directa, como é o caso da Chalana, son puntos de encontro que permiten divulgar os oficios tradicionais entre a sociedade, concienciar a poboación do valor da artesanía e axudar á comercialización do produto artesán, ao tempo que incrementan a atracción turística da zona.
Máis información
15 Xullo, 2014
LecerConsumo´ mostrará formas de consumo responsable con varios talleres en Abegondo

O Concello de Abegondo e eo polideportivo municipal contarán hoxe con diversos talleres de LecerConsumo, unha iniciativa do Instituto Galego de Consumo para concienciar á sociedade sobre hábitos de consumo responsable a través de actividades divertidas para tódolos públicos. Os nenos e nenas de 3 a 8 anos disfrutarán de Xogar é de balde a partir das 10.30 horas; seguido por Gymkhana de ocio, publicidad e tic, para menores de 16 anos; e A oca, o xogo da xente viaxeira, para os maiores.
Máis información
12 Xullo, 2014
A Xunta apoia ás federacións e asociacións de comerciantes na posta en marcha de máis dun cento de accións de dinamización

Santiago, 12 de xullo de 2014.- A Consellería de Economía e Industria, dentro da súa estratexia de impulso ao asociacionismo comercial como unha das claves para mellorar a competitividade do comercio de proximidade galego, vén de aprobar apoios por 700.000 euros dos que se benefician un total de 24 federacións de comerciantes e asociacións de ámbito superior ao municipal.

Con estas axudas, que alcanzan ata o 70% dos investimentos e ata un máximo de 49.000 euros, desenvólvense máis dun cento de actuacións de dinamización da demanda comercial e actuacións encamiñadas á promoción das vendas, apoiando o importante labor que desenvolven estas agrupacións ao longo de todo o ano.

Seis das entidades beneficiarias son de ámbito autonómico: a Federación Galega de Comercio, a Federación de Autónomos de Galicia, a Federación de Libreiros de Galicia, a Federación Galega de CCAs e Zonas Comerciais Urbanas, a Federación de Prazas de Abastos de Galicia, e a Federación Galega de Asociacións e Gremios de xoieiros, prateiros e reloxeiros.

Este programa enmárcase no impulso ao asociacionismo comercial, ao que a Consellería de Economía e Industria leva destinados apoios por máis de 3 millóns de euros ao longo deste ano como un dos eixos estratéxicos para mellorar a competitividade do comercio de proximidade.

Así, ademais do programa para federacións e asociacións de ámbito supramunicipal, a Xunta vén de resolver tamén axudas por preto de 2 millóns de euros para a posta en marcha de máis de 500 accións de impulso ao comercio de proximidade das que se benefician 52 centros comerciais abertos de toda Galicia e 22 asociacións de praceiros.

Do mesmo xeito, púxose en marcha un ano máis o acordo de colaboración coa Federación Galega de Comercio, dotado con 500.000 euros dos cales Economía e Industria achega 459.000 euros, 9.000 euros máis que o ano pasado. As accións comprendidas no mesmo inclúen a posta en marcha de iniciativas de dinamización do consumo nas vilas galegas; así como diferentes actuacións para a implantación de novas tecnoloxías relacionadas coa fidelización de clientes e a potenciación do comercio electrónico. Ademais, o convenio tamén incide no fomento do emprendemento, así como no asesoramento e información especializada, mediante o mantemento dun gabinete técnico.
Máis información
07 Xullo, 2014
A edición máis exitosa en participación e vendas consolida o encontro Corazón da artesanía como referente anual do sector

Santiago, 7 de xullo de 2014.- A terceira edición do Encontro da Artesanía Tradicional e Popular de Galicia, Corazón da Artesanía, organizada pola Consellería de Economía e Industria, convértese na máis exitosa das celebradas, con máis de 6.000 visitantes tralo peche das últimas cifras e un importante volume de vendas que consolidan esta iniciativa como referente anual do sector.

Durante toda a fin de semana Os Pendellos de Agolada enchéronse novamente de vida cunha iniciativa na que artesanía, gastronomía e música foron da man e na que se puido ver o traballo de medio cento de artesáns de máis de vinte oficios tradicionais diferentes, así como visitar máis dunha trintena de postos de degustación e venda de produtos gastronómicos.

Entre as actividades que espertaron especialmente o interese dos visitantes estiveron, ademais das diferentes actuacións musicais, como os concertos de Sés, Marful e Agrupación de Acordeonistas da Escola de Música Bieito Blanco, de Ourense, as demostracións en vivo de oficios e a posibilidade de probar a utilizar o torno, aprender a trenzar vimbios ou facer tellas, unha das novidades deste ano.

O Encontro, pensado tanto para o público xeral como para os profesionais e especialistas, permitiu tamén abrir novas vías de colaboración e oportunidades de negocio para os artesáns e emprendedores participantes. Ademais, as distintas presentacións e conferencias reuniron a máis de 300 persoas, mentres que 50 profesionais de diferentes disciplinas, como a artesanía, o deseño ou a arquitectura participaron nos cursos especializados.

Por outra banda, a iniciativa Artesanía no Prato, que cubriu todas as prazas dispoñibles, achegou a artesanía ás propostas da nova cociña galega, con showcookings a cargo de cociñeiros do Grupo Nove nos que se empregaron produtos de gastronomía á venda no propio Encontro.

A posta en marcha do III Encontro da Artesanía Tradicional e Popular de Galicia, Corazón da Artesanía, forma parte do novo Plan de Artesanía de Galicia, que persegue conseguir un sector artesán sólido e sostible no tempo, incidindo na competitividade empresarial e a potenciación do talento galego.
Máis información
05 Xullo, 2014
A Xunta salienta o papel da Feira de Artesanía de Outeiro de Rei na promoción do produto artesán galego

Outeiro de Rei (Lugo), 5 de xullo de 2014.- A Consellería de Economía e Industria, a través da Fundación Centro Galego da Artesanía e do Deseño, apoia a oitava edición da Feira de Artesanía de Outeiro de Rei, mostra que se celebra hoxe e que se caracteriza polo lugar destacado que ocupan os oficios máis tradicionais.

Neste sentido, o impulso á promoción e á comercialización da artesanía galega é un dos eixos da estratexia integral de apoio ao sector que está a desenvolver a Consellería de Economía e Industria, que vén de poñer en marcha o Plan de Artesanía de Galicia. As feiras como a de Outeiro de Rei serven como puntos de encontro que permiten divulgar os oficios artesanais, concienciar á poboación do valor da artesanía, e impulsar a comercialización do produto artesán galego.

Dende o seu nacemento no ano 2007, a feira pretende impulsar o traballo artesanal galego e en particular o que se está a realizar no propio municipio. Destaca entre un dos seus principais obxectivos o apoio ás catro olerías de tradición que perviven en Galicia: a da parroquia de Bonxe en Outeiro de Rei, a de Gundivós (Sober, Lugo), a de Buño (Malpica de Bergantiños, A Coruña) e a de Niñodaguia (Ourense). Deste xeito, a mostra busca converterse nun expoñente da artesanía tradicional en Galicia.

A feira, situada nas inmediacións da casa consistorial, acolle todo tipo de artesáns que poñen á venda unha ampla variedade de produtos: olería, cestería, madeira, coiro, ferro, prata, bixutería, tecidos, instrumentos musicais, gancho e calceta, bordado á man, traxes tradicionais, feltro ou xogos. O programa complétase con actividades paralelas como unha mostra e degustación de produtos de alimentación, actuacións musicais, unha exhibición canina, outra de pintura e obradoiros para nenos, entre os que destacan o de barro, o de marionetas, o de cestería ou o de xogos tradicionais.
Máis información
01 Xullo, 2014
Conde subliña que as melloras no entorno comercial de Feira do Monte en Cospeito permiten poñer en valor e dinamizar a zona

Santiago, 1 de xullo de 2014.- O conselleiro de Economía e Industria, Francisco Conde, destacou hoxe na súa visita a Feira do Monte, no concello lugués de Cospeito, que as melloras realizadas no entorno comercial desta localidade están a permitir poñer en valor e dinamizar a zona, que acolle mensualmente unha feira tradicional e na que tamén se celebra de xeito anual a Feira da maquinaria.

Conde, que estivo acompañado polo alcalde, Armando Castosa, salientou a cooperación como unha das mellores fórmulas para garantir a eficiencia, resaltando que nos últimos anos a Consellería de Economía e Industria leva destinado 350.000 euros a apoiar ao Concello na mellora das infraestruturas comerciais, de xeito especial no entorno de Feira do Monte.

O conselleiro de Economía e Industria subliñou que o traballo conxunto co Concello se está a desenvolver noutros ámbitos como o do parque empresarial de Muimenta, que nos últimos anos recibiu 70.000 euros da Consellería de Economía e Industria, e manifestou a súa convicción de que esta cooperación se manterá “co obxectivo común de favorecer o desenvolvemento do municipio e impulsar os seus principais motores económicos”.

Emprendemento feminino
Na súa visita a Cospeito, o conselleiro de Economía e Industria participou na entrega dos diplomas ás participantes no programa A túa vida nun click, coordinado en Galicia pola Asociación para o desenvolvemento Sociocultural, Formación e Emprego, ASFEM. O acto contou coa participación da presidenta desta entidade, Pilar Iglesias Osorio, que vén de recibir a Medalla Castelao pola súa importante labor social.

Destacou o conselleiro que a iniciativa, que ten por obxectivo avanzar na implantación das novas tecnoloxías e o márketing 2.0, impulsando o emprendemento feminino e avanzando na promoción da igualdade, ten permitido a posta en marcha do proxecto da emprendedora de Cospeito Pilar López Cupeiro, que vende xa a través da rede os seus produtos nos que se unen arte e iluminación.
Máis información
25 Xuño, 2014
O III Encontro da artesanía tradicional e popular de Galicia amosará nos pendellos de Agolada máis de vinte oficios tradicionais diferentes

Agolada (Pontevedra), 25 de xuño de 2014.- A directora xeral de Comercio, Sol Vázquez; o delegado da Xunta en Pontevedra, José Manuel Cores, e a xerente da Fundación Centro Galego da Artesanía e do Deseño, Elena Fabeiro, realizaron esta mañá unha visita de traballo xunto co alcalde de Agolada, Ramiro Varela, ao conxunto histórico-artístico dos Pendellos, onde se vai celebrar do 4 ao 6 de xullo o III Encontro da Artesanía Tradicional e Popular de Galicia, Corazón da Artesanía, organizado pola Consellería de Economía e Industria.

No percorrido polos Pendellos adiantaron que durante o encontro, no que un ano máis tradición e vangarda irán da man, poderá verse o traballo de medio cento de artesáns galegos, que desenvolven máis de vinte oficios tradicionais diferentes, como a xoiería, a olería, a elaboración de instrumentos musicais, o téxtil, a madeira, a cestería, a marroquinería, ou a elaboración de redes ou de zocos. Entre as novas incorporacións atópanse tres artesáns especializados na montaxe de moscas para a pesca, ademais da presenza da Asociación Galega de Carpintería de Ribeira (Agalcari), finalistas do Premio Promociona para Entidades Privadas 2013 nos Premios Nacionais de Artesanía.

O encontro servirá un ano máis para crear un espazo de interrelación con ámbitos como a música, a gastronomía ou o deseño. Así, ademais da exposición e venda de produtos artesanais e demostracións de oficios, haberá máis dunha trintena de postos de venda de produtos gastronómicos, con especial atención ás denominacións de orixe galegas. Ademais, haberá showcooking a cargo de tres cociñeiros galegos do grupo nove: Pepe Solla, Javier Rodríguez Ponte “Taky” e Héctor López, workshops e coloquios, exposicións e obradoiros, actividades para nenos e nenas e diferentes actuacións musicais e de baile.

Neste ámbito, destacaron o concerto de Marful, que pecha a programación do venres cun espectáculo no que presentan unha proposta ecléctica no que se combinan ritmos e músicos de diferentes tendencias, mentres que o sábado á noite será o turno de Sés, compositora e intérprete cun forte carisma que está a revolucionar a escena musical en Galicia.

Na visita a Os Pendellos salientouse tamén que por primeira vez os visitantes contarán cunha zona habilitada gratuíta para cámping, e que restaurantes locais ofrecerán menús especiais durante o encontro. Ademais, ao igual que nas dúas primeiras edicións, haberá autobuses gratuítos de ida e volta a Lalín para facilitar a asistencia.

A organización deste encontro, que conta coa colaboración, ademais do Concello de Agolada, da Axencia Turismo de Galicia e a Consellería do Medio Rural e do Mar, así como de Fundesarte, a Deputación de Pontevedra, e Asociación Galega de Artesáns e Asociación Galega de Artesáns Tradicionais, forma parte da estratexia de impulso ao sector artesán que desenvolve a Consellería de Economía e Industria, que vén de activar o novo Plan de Artesanía de Galicia.

O obxectivo desta folla de ruta é conseguir un sector artesán sólido e sostible no tempo e que contribúa ao crecemento da economía galega, incidindo na competitividade empresarial e a potenciación do talento galego.

Máis información
23 Xuño, 2014
Arredor de 800 usuarios asistiron ás charlas sobre aforro na factura eléctrica

Alrededor de 800 pontevedreses participaron en las once charlas sobre ‘Consumo e aforro de electricidade’ impartidas hasta la fecha en otras tantas localidades de la provincia por la Unión de Consumidores de Galicia en colaboración con la Deputación provincial.

Entre las cuestiones sobre las que los usuarios demandaron más información en las charlas que tuvieron lugar en Baiona, Caldas, Cangas, Cuntis, Cambados, Ponte Caldelas, Tui, A Estrada, Sanxenxo, Vilagarcía y Cerdedo destacaron las dudas sobre las modalidades de contratación, la sustitución de los contadores analógicos por los digitales, y las posibilidades de cambio de tarifa y el procedimiento para realizarlo y cómo adivinar cual es la potencia que realmente necesitan en caso de no tener contador digital.

Según los organizadores del ciclo de charlas, «apréciase especial interese entre os asistentes sobre as cuestións relacionadas coa Tarifa de Último Recurso (antiguo Bono Social), existindo un alto grao de descoñecemento sobre esta posibilidade de desconto».

Actos

Las próximas charlas informativas tendrán lugar el jueves, día 26, en Marín (19.30 horas, en la Biblioteca); el viernes, día 27, en A Cañiza (salón de plenos, a las 19.30 horas) y en Ribadumia (Casa da Cultura, a las 20.00 horas), y el día 30 en Lalín (19.30 horas, en el Museo). Posteriormente las sesiones se trasladarán a Mos, Ponteareas, Vigo y Pontevedra.

Además, la Deputación abrirá oficinas en Lalín, A Estrada, Cambados, Vilagarcía de Arousa, Pontevedra, Cangas, Redondela, Ponteareas, Vigo y Tui, en las que técnicos especialistas analizarán caso a caso y orientarán a los usuarios sobre el tipo de contrato que más les conviene, la tarifa más adecuada y si la potencia contratada se ajusta a sus necesidades.
Máis información
18 Xuño, 2014
Economía e Industria e a Federación galega de Comercio cooperan no reforzo da competitividade do sector

Lugo, 18 de xuño de 2014.- A directora xeral de Comercio, Sol Vázquez Abeal, e o presidente da Federación Galega de Comercio, José María Seijas, presentaron esta tarde en Lugo o novo acordo de colaboración mediante o cal a Consellería de Economía e Industria coopera un ano máis coa Federación impulsando a importante labor que esta entidade desenvolve no reforzo da competitividade do sector.

Tal e como explicaron, o convenio está dotado con 500.000 euros dos cales Economía e Industria achega 459.000 euros, 9.000 euros máis que o ano pasado. As accións comprendidas no mesmo inclúen a posta en marcha de iniciativas de dinamización do consumo nas vilas galegas; así como diferentes actuacións para a implantación de novas tecnoloxías relacionadas coa fidelización de clientes e a potenciación do comercio electrónico. Ademais, tal e como sinalaron Vázquez Abeal e Seijas, o convenio tamén incide no fomento do emprendemento, así como no asesoramento e información especializada, mediante o mantemento dun gabinete técnico.

No acto, no que tamén participaron os presidentes das federacións provinciais de comercio, a directora xeral salientou que con este novo acordo se incide na aposta da Xunta polo impulso ao asociacionismo comercial como un dos eixos principais da estratexia específica de apoio ao sector, dentro da cal no que vai de ano se levan activado programas de apoio por máis de 6,5 millóns de euros.

Así, tamén no eido do asociacionismo, véñense de resolver axudas por preto de 2 millóns de euros para a posta en marcha de máis de 500 accións de impulso ao comercio de proximidade das que se benefician 52 centros comerciais abertos e 22 asociacións de praceiros de toda Galicia, e está en fase de resolución a convocatoria para as asociacións de ámbito supramunicipal e federacións de comerciantes, dotada con 800.000 euros.

Ademais, activouse o programa de apoios aos concellos galegos para potenciar os mercados e prazas de abastos e impulsar a competitividade do comercio de proximidade, dotado con 3,1 millóns de euros, tamén en fase de resolución. E, no ámbito do emprendemento, está aberta á presentación de solicitudes ata o 30 de xuño a nova convocatoria de axudas á apertura de establecementos comerciais, que conta cunha dotación inicial de 500.000 euros. Este programa complementa as iniciativas fomentadas na nova Lei do Emprendemento e da Competitividade de Galicia, entre as que que destacan a simplificación administrativa grazas á eliminación con carácter xeral das licencias municipais de obra e actividade.
16 Xuño, 2014
O IGC achega aos consumidores de Verín as claves para facer máis comprensible o recibo eléctrico

Santiago, 16 de xuño de 2014.- O Instituto Galego de Consumo ofrecerá mañá martes, 17 de xuño, unha xornada informativa en Verín para achegar aos consumidores e usuarios o programa Dálle luz á túa factura, unha iniciativa de divulgación, formación e sensibilización coa que a Consellería de Economía e Industria persegue facer máis comprensible a factura da luz resolvendo as dúbidas da cidadanía e fomentando, ao mesmo tempo, o aforro enerxético.

No encontro, que se celebrará a partir das 17:00 horas en colaboración coa Asociación de mulleres e consumo Airiños da Terra, na avenida Luis Espada, 26, local A, informarase sobre os cambios que se van producir, como a inclusión da modalidade do Prezo Voluntario do Pequeno Consumidor (PVPC) ou a nova TUR, e ofreceranse diferentes consellos para reducir o consumo e aforrar. Estes consellos achéganse aos consumidores a través do documento informativo “As claves da túa factura eléctrica”, dispoñible na web do Instituto Galego de Consumo, igc.xunta.es.

Os asistentes á xornada de mañá poderán consultar as súas dúbidas e resolver diferentes casos prácticos, así como obter información sobre as distintas vías para darlle solución ás súas reclamacións.
Máis información

Páxina 21 de 85

Mostrando do 401 ao 420 dun total de 1686 rexistros