Xunta de Galicia
Vostede está aquí:
Acceso Area Privada

Actualidade Comercial

  • 26 Decembro, 2011
    Novos descontos e promocións

    PORTAL ENTRETIENDAS.COM

    O Portal conta con máis de 5.000 produtos, clasificados en distintas categorías

    O Centro Comercial Aberto Ourense Centro sorprende unha vez máis con novas promocións aos clientes da web Entretiendas.com. Ademais, a renovada web preséntase cunha nova imaxe máis moderna e rechamante, con novedosos recursos para facer máis fácil a compra ao consumidor . Ao alcance dun só clic os clientes poderán acceder ás novas campañas e promocións dos establecementos así como ás novidades dos últimos produtos engadidos.

    Unha das novidades presentadas na nova plataforma de www.entretiendas.com é a campaña de agasallos de Nadal. Aos clientes que realicen as súas compras de agasallos navideños a través da páxina antes do 8 de xaneiro, incentivaráselles cun desconto do 5%, porcentaxe que se descontará na súa próxima compra. Unha forma de agradecer e incentivar aos usuarios da páxina que elixen este novedoso recurso á hora de realizar as compras navideñas.

    5.000 PRODUTOS

    Entretiendas.com conta con máis de 5.000 produtos publicitados na web, clasificados en categorías de calzado e complementos, deportes, electrodomésticos, electrónica e informática, fogar e decoración, xoiaría, bisutería e reloxos, librería e xoguetería, perfumería e cosmética.

    A páxina conta ademais cunha nova sección “tendas VIP” onde os comercios incorporan promocións exclusivas en determinados produtos de tempada.

    O ÚLTIMO

    Nestes momentos pódense adquirir os últimos modelos en botas de fútbol ou zapatillas de basket con importantes descontos sobre o prezo oficial de venda ao público. Tamén se poden adquirir os últimos modelos en reloxos Ferrari un 25 por cento máis baratos que na propia tenda da firma Ferrari ou roupa interior masculina da prestixiosa marca Calvin Klein onde o cliente poderá atopar en distintos estilos, modelos e cores a última colección desta marca de gama alta para a roupa interior de cabaleiro.

    Ourense Centro mellora a competitividad dos comercios tradicionais urbanos poñendo ao alcance da súa man unha oportunidade de rendibilizar o seu negocio a través dos novos formatos de distribución e promoción que aporta hoxe en día a tecnoloxía. Trátase dunha plataforma de comercio electrónico para os comercios locais da súa área de influencia que abren as súas expectativas de negocio máis aló dos límites dos seus establecementos e coa comodidade que aporta comprar a calquera hora e desde calquera lugar.

    A plataforma virtual de venda on-line é para estes empresarios ourensáns a mellor fórmula para dar saída o excedente de mercadorías a prezos moi competitivos e ventaxosos para os clientes.

    TENDA VIP/PROMOCIÓN

    -           Reloxos Ferrari: 15% de desconto

    -           CK Underwear: 15% de desconto

    -           Botas de futbol, Nike e Adidas: 20% de desconto

    -           New Balance Deportivas: 15% de desconto

    -           Basket Nike: 15% de desconto

    Fonte:  La Región.

    Máis información
  • 24 Decembro, 2011
    Medio cento de emprendedores decidiron abrir un negocio este ano

    A maioría optou polo pequeno comercio e nos últimos once meses puxeron en marcha 34 tendas

    O alcalde, Carlos Calvelo, e o edil de emprego, Manuel Padín, coas gañadoras do concurso de escaparates“A dificultade para atopar traballo por conta allea fixo que se incremente o número de emprendedores”, indican desde o Centro Comercial Aberto de Arteixo. Iniciar un negocio propio converteuse nunha saída á crise económica, polo menos para os 52 particulares que decidiron embarcarse nesta aventura ao longo do presente ano.

    “Hai bastante demanda e moita xente achégase ao Concello a preguntar como teñen que facer para poñer en marcha un comercio. Parece que imos despegando”, sinala o concelleiro de Emprego, Manuel Padín.

    Estas aperturas sucedéronse nos últimos once meses nos que, por encima de todo, o que xurdiron son pequenos comercios, cun total de 34. A continuación, as estatísticas que ofrecen desde o Concello reflicten que doce negocios teñen que ver con actividades con incidencia ambiental, na súa maioría talleres e, para rematar, o sector hostaleiro conta con seis bares.

    Malia que Arteixo é o municipio co índice de paro máis elevado da comarca cun 22%, a boa saúde do comercio non é nova. De feito, atendendo ás cifras do último trienio (entre 2007 e 2010) os minoristas aumentaron nun 42%. Neste período, os comercios que se dedican aos peixes e a produtos de pesca duplicáronse, mentres que as panaderías e tendas de produtos lácteos pasaron de 10 a 17. 

    Municipal> Con este elevado desemprego non é de estrañar que o alcalde, Carlos Calvelo, considere unha “prioridade  absoluta” incluír nos orzamentos do ano que vén unha partida para loitar contra esta lacra. Estas medidas constituiranse a través do Plan Emprego que o Concello está elaborando e no que incluirán axudas para os emprendedores.

    Estes datos foron facilitados polo goberno local durante a entrega dos premios do concurso de escaparatismo que durante os sete últimos anos organiza o Concello coa colaboración do CCA.

    Como afirman desde a asociación, este certame conta cada ano con máis aspirantes. Nesta edición, presentáronse 25 comercios de todo tipo, desde téxtil ata panaderías pasando ata por tendas de gominolas, de feito, o primeiro premio foi para Xiana. En segundo lugar terminou Agasallos Ana, o terceiro posto foi para Mira Home e o accésit á Orixinalidade  para A Biscoitería.

    Fonte: El Ideal Gallego

  • 24 Decembro, 2011
    A Consellería de Industria entregou vales a 24 clientes de prazas de abastos de O Salnés

    Realizaron oito sorteos na primeira fase da campaña “Este inverno presume de praceira-praceiro”

    As prazas de abastos da comarca de O Salnés acolleron onte o sorteo da campaña que realiza a Consellería de Industria denominada “Este inverno presume de praceiro-praceira”. Son un total de 24 clientes destes mercados os que gozarán de vales de ata 75 euros nas súas próximas compras.

    A directora xeral de Comercio, Nava Castro, supervisou persoalmente un destes sorteos. Un deles foi o de Vilagarcía, onde estivo acompañada pola concejala Rocío Llovo. Nesta localidade foi o praceiro elixido o ano pasado o que se encargou de sacar os boletos premiados. Os gañadores foron Jesús Rodríguez Bo, que recibiu vales compra por valor de 75 euros, Margarita Vázquez Lima, que poderá gastar 50 euros, e Sheila Barreiro, á que lle tocaron vales por valor de 25 euros.

    A campaña consiste en que os compradores escollan ao seu praceiro ou pracera favorito e o sorteo de onte foi a primeira fase para premiar a algúns dos consumidores que entregaron os seus boletos. Cando se dará a coñecer o praceiro ganador será o próximo 20 de xaneiro, cando se dea a coñecer o praceiro elixido.

    No que respecta á Illa de Arousa, resultaron premiados con cheques de 75, 50 e 25 euros Benigno Chaves, Otilia Oubiña e Maruja Patón. En Cambados os afortunados son Ramona Falcón Oubiña, Estrela Veloa Aragunde e Alicerce Serto Vázquez.

    No caso de Meaño, os que poderán gastarse estes vales compra serán Marisa Moldes, Beba Fariña e Elena Álvarez. En canto aos afortunados en O Grove trátase de Amelia Touriño Andrade, Isabel Montenegro e Pura Prieto.

    Finalmente, tamén se realizou onte o sorteo no mercado de Sanxenxo. Os premiados foron Peregrino Modiño, e Berta Garrido Sueiro, que conseguiron o segundo e o terceiro premio. Para rematar, no caso da praza de abastos de Portonovo os cheques entregáronos a Beatriz Mayán Garrido, Emilia Carballo e María do Carmen Piñeiro Penas.

    A directora xeral de Comercio estivo no sorteo celebrado en Vilagarcía pero na maioría dos casos nos sorteos estiveron presentes os alcaldes das localidades en cuestión acompañados polo xefe territorial de Economía e Industria, Ignacio Real.

    Os vales compra que onte lles entregaron a estes clientes dos mercados poderanos gastar nas próximas semanas e é unha forma coa que a Xunta premiará a fidelidade destes clientes cos praceiros e praceras das prazas de abastos.

    Fonte: Diario de Arousa

  • 24 Decembro, 2011
    Sortean os primeiros vales de compra da campaña "Este inverno, presume de praceiro"

    A campaña impulsada pola Consellería de Economía e Industria “Este inverno presume de praceiro” sorteou onte os primeiros vales de compra de 75, 50 e 25 euros en mercados municipais de toda Galicia, entre eles tres da comarca do Ulla-Umia, os de Caldas de Reis, Cuntis e Pontecesures. Na localidade caldense o sorteo tivo como gañadores a Manuela Francisco González, Plácida Castro Castro e Josefa Belo Castro. En Cuntis os agraciados foron José Cordo Magariños, Josefa Rey González e Laura Martínez Martínez.

    Finalmente, en Pontecesures recibiron os cheques Josefa Barreiro, Fina Pardal e Encarnación Tubío. Os afortunados terán de prazo ata o 28 de febreiro para canjear válelos nos postos de venda das súas respectivas prazas de abastos, obtendo así descontos nos produtos que adquiran. Ademáis, o próximo 20 de xaneiro celebrarase un novo sorteo, polo que os clientes dos mercados municipais poden seguir cubrindo os boletos que lles entregarán ao realizar compras e depositalos nas urnas habilitadas ao efecto. Neses mesmos boletos poderán votar polo seu placeiro favorito, que cando acabe a campaña será recoñecido.

    Fonte: Diario de Arousa.

  • 24 Decembro, 2011
    ACEP inicia a campaña de Nadal, coa que sorteará 800 euros en vales de compra

    A Asociación de Comerciantes e Empresarios de Poio (ACEP) comezou este venres a súa Campaña de Nadal 2011, coa que sorteará un total de 800 euros en vales de compra. O sorteo celebrarase o 9 de xaneiro e, ata entón, os clientes que realicen algunha compra ou contraten algún servizo nos establecementos asociados recibirán unha rifa por cada gasto mínimo de cinco euros.

    De entre todas elixiranse vinte e cinco: o primeiro premio será un vale dotado con 150 euros; o segundo recibirá un vale de 100 euros; e a maiores entregaranse tres vales de 50 euros e outros vinte de 20 euros cada un. 

    Fonte: Diario de Pontevedra

  • 24 Decembro, 2011
    Do Campo aboga por acudir ás prazas nun acto promocional en San Agustín

    A delegada territorial da Xunta, Belén do Campo, pediu onte aos coruñeses que acudan a facer as súas compras ás prazas de abastos da cidade pola importancia social que teñen estas instalacións. Do Campo abogó polos mercados no acto de entrega dos premios correspondentes ao programa promocional destes espazos “Este inverno presume de praceiro/a”.

    Belén do Campo revisou a urna dos votos en San AgustínA Consellería de Economía e Industria lanzou fai unhas semanas unha campaña para impulsar os 102 mercados que hai en toda Galicia, na que se pediu aos clientes que votasen ao seu dependente favorito. Malia que na Coruña haberá que esperar uns meses ata coñecer ao elixido ou elixida, Belén do Campo xa entregou onte algúns dos premios destinados aos votantes.

    En concreto, a delegada repartiu cheques de compra para utilizar nos propios mercados por valor de 75, 50 e 25 euros. En xaneiro, tralas votacións que se poderán realizar entre o día 9 e o 20 en calquera dos oito mercados municipais, haberá un novo sorteo. Posteriormente procederase ao reconto dos votos para coñecer ao mellor praceiro.

    En calquera caso, Do Campo, que estivo acompañada pola concejala Carmen Hervada, quixo destacar o valor que teñen as prazas na primeira entrega de vales. “Nelas conflúen tradición e modernidade, adaptándose ás demandas dos clientes, ofertando os mellores produtos frescos máis competitivos e incorporando cada día servizos complementarios e máis personalizados aos usuarios”, comentou.

    Promoción > Na xornada de onte, a Xunta repartiu 1.800 euros en premios entre os consumidores da comarca porque o programa tamén se puxo en marcha noutros centros comerciais de Betanzos, Oleiros, Sada e Curtis. Con todo, o plan “Este inverno presume de praceiro/a” vai moito máis alá da área metropolitana, pois ten como obxectivo revitalizar as compras nos 102 mercados que permanecen abertos en toda Galicia, 36 deles na provincia. Ademais, preténdese “recoñecer o imprescindible papel dos seus traballadores”.

    Fonte: El Ideal Gallego

  • 24 Decembro, 2011
    Nadal con toque artesán

    O Nadal en Vigo sabe a tradición e a artesanía. E é que unha das citas clásicas destas datas é a feira artesanal Ofeitoaman, un dos eventos do seu tipo máis importante de Galicia durante as datas do Nadal.
    A gran novidade deste ano de Ofeitoaman é o seu cambio de situación. Dende o pasado 17 de decembro permanece aberta no paseo anexo ao Centro Comercial A Laxe, xunto á estación marítima. Este cambio de localización débese ás obras que se están a efectuar na estación de Renfe, en cuxas proximidades, dende hai uns anos, se celebraba este encontro.
    Preto de corenta artesáns expoñen os seus mellores traballos nesta edición. Destacan nesta edición os postos, cun deseño moito máis coidado xa que se utilizan expositores que se usaron para a recente feira Mostrart da Coruña.
    Ofeitoaman permanecerá aberta ata o próximo 5 de decembro. Na feira, os visitantes poderán coñecer de primeira man como traballan estes artesáns e adquirir pezas realizadas con todo tipo de técnicas, dende xoiaría, madeira cerámicas e repuxado en coiro ata vidro ou esmaltes.
    Os mestres artesáns que participan neste centro proceden dos máis diversos lugares de Portugal, Galicia e España. A feira está organizada pola Asociación Galega de Artesáns e conta coa axuda da Fundación Centro Galego dá Artesanía e do Deseño e da colaboración do Concello de Vigo. 

  • 23 Decembro, 2011
    Fecimo abre la inscripción para o primeiro dos seus cursos do ano 2012

    A Federación de comerciantes e industriais do Morrazo (Fecimo) xa ten a programación de cursos para o primeiro semestre do ano 2012, cursos que están dirixidos a autónomos e traballadores de empresas de calquera sector e actividade. A relación completa pódese consultar na páxina web da federación, www.fecimo.com, e no apartado "actividades e servizos".


    O primeiro deses cursos chámase "Aplicacióm informática de xestión: Contaplus", de 30 horas de duración e que se impartirá no centro de estudos Forte. Os contidos están divididos en tres módulos e as clases impartiranse entre o 11 e o 31 de xaneiro, de luns a xoves e en horario de 20 a 22.30 hora. A data límite para a inscrición é o próximo 28 de decembro e o número máximo de alumnos admitidos é de 15. Fecimo recomenda aos interesados enviar canto antes o folleto de preinscrición ou realizalo a través da web. 

    Fonte: Faro de Vigo (Ed. Morrazo)

  • 23 Decembro, 2011
    O comercio de mondoñedo e Foz amplía os seus horarios

    O Nadal é unha das épocas nas que máis se dispara o consumo. Conscientes disto e tendo en conta a situación económica actual, os comerciantes agudizan o enxeño para captar clientes. Unha das últimas propostas foi a lanzada polas asociacións de comerciantes de Mondoñedo e de Foz que decidiron ampliar os seus horarios de apertura ao público.

    Así, os negocios que forman a Asociación de Comerciantes, Industrias e Autónomos (Acia) de Foz abrirán de xeito ininterrompido de 10.00 a 18.30 horas o día de Noiteboa e o de Noitevella. «O que pretendemos abrindo os días 24 e 31 de xeito ininterrompido é que a xente compre sen apuros e sen abafos», explica o presidente do colectivo, José Carlos Paleo, «son moitos os que deixan as súas compras para o último día e queremos que poidan mercar dun xeito cómodo e sen presas neses días tan sinalados e de tantos preparativos para todas as familias».

    No caso de Mondoñedo, a Acia decidiu que os días 22 e 23 e os próximos 4 e 5 de xaneiro, os comercios estarán abertos ata as 22.00 horas. Ademais, contarán con descontos especiais nunhas xornadas que buscan fomentar as vendas.

    As compras de Nadal na cidade episcopal tamén ten premio, xa que os asociados ao Acia reparten rifas para o sorteo de 20 vales de 100 euros que se celebrará na praza Jaime Cabot da cidade o próximo 7 de xaneiro. O presidente da Acia, Manuel Tapia, insiste en que as rifas deben estar seladas polo establecemento e en que é necesario estar presente o día do sorteo para levar o premio.

    GASTRONOMÍA

    Por outra banda, a hostalería de Foz anima hoxe as compras coa Festa do Cogumelo. Un total de 35 locais serven tapas elaboradas con cogomelos nunhas xornadas organizadas pola Acia en colaboración cos Bolouros.

    Fonte: El Progreso (Ed. A Mariña)
     

  • 23 Decembro, 2011
    As prazas de abastos viven as xornadas de máis acluencia do ano

    Máis información
  • 23 Decembro, 2011
    O comercio abre hoxe ata medianoite en Santiago

    Noventa comercio de Santiago de diversos sectores ampliarán o seu horario hoxe, o 30 de decembro e o 4 de xaneiro ata as doce da noite. Na xornada de "noites abertas" repartiranse boletos para sorteos de viaxes, estanzas en hoteis e chegques regalos.

  • 23 Decembro, 2011
    O Plan Ferrol xerou 350 empregos durante este ano

    O conselleiro de Economía e Industria, Javier Guerra, asegurou que este 2011 as administracións autonómica e central xeraron investimentos de máis de 155 millóns de euros e propiciaron a creación de 350 empregos coas medidas levadas a cabo dentro do Plan Ferrol. Guerra desprazouse á cidade departamental para participar nunha nova reunión da comisión de seguimento do Plan Ferrol, Eume e Ortegal, na que fixo balance dos resultados, que reflicten unha concesión de 67 millóns en axudas, a aprobación de máis de 300 proxectos e a creación de 350 postos de traballo. O plan seguirá vixente ata 2013. Por outra parte, Guerra insistiu en que a Xunta "ten claro" que o centro de reparacións do sector naval é "unha necesidade" para a bisbarra, pero puntualizou que "quen ten que financiar o dique flotante son "SEPI e Navantia"

  • 23 Decembro, 2011
    A xunta apoia a internacionalización como estratexia de crecemento empresarial

    A internacionalización empresarial constitúe un eixe de actuación de interese estratéxico para a consellería de Economía e Industria da Xunta de Galicia. Por este motivo, durante os últimos anos teñen incrementado de xeito importante os servizos e os fondos destinados, especialmente, a través do IGAPE para avanzar cara á consolidación en novos mercados.

    A Xunta está desenvolvendo na actualidade unha intensa estratexia de apoio á internacionalización do tecido empresarial galego, co obxectivo de facer accesibles as vantaxes do mercado global ás empresas da comunidade. A positiva evolución das exportacións galegas aparece como unha consecuencia directa desta estratexia.

    O incremento dos presupostos e dos servizos e das liñas de apoio da Xunta para favorecer a internacionalización non é alleo ao crecemento das exportacións galegas, que aumentaron nun 13,6%. Así, Galicia é a segunda Comunidade co saldo comercial máis positivo.
    No con xunto do ano 2011 as exportacións de bens en Galicia alcanzaron un valor de 12.493 millóns de euros, o que supón un crecemento entre xaneiro e setembro do 13,6%. Este dato supón que Galicia achega case o 8% ao total das exportacións españolas.

    Ademais, é importante resaltar que o saldo comercial é positivo con 2.163 millóns de euros, polo que Galicia se sitúa como a segunda comunicade autónoma de maior saldo comercial positivo, fronte ao negativo de España, que é de menos 35.4883 millóns de euros.

    Apoio ás empresas

    Apoiar as estratexias de crecemento das empresas galegas no mercado exterior é unha prioridade para a Consellería de Economía e Industria da Xunta de Galicia. por este motivo, estase a desenvolver actualmente a través do IGAPE un programa integral de apoio ás estratexias de internacionalización, cun incremento excepcional de fondos destinados a este ámbito nos últimos anos.

    Así a prioridade da Xunta nesta materia é clara e as cifras reflícteno deste modo: no 2011 os recursos dirixidos ao Programa de Internacionalización ascenden a 20 millóns de euros, fronte aos 5,6 millóns que dedicaron no 2008. Isto quere dicir que a Xunta multiplicou por por catro o importe destinado a internacionalización hai catro anos.

    A Consellería de Economía e Industria creou un eixe especial dentro do IGAPE co obxectivo de páx. restar apoio directo ás estratexias de internacionalización das empresas galegas, orientándose especialmente ás PEMES:no que vai de lexislatura dende o Instituto destináronse 50 millóns de euros a este obxectivo.

    O especial esforzo realizado polo Goberno da Xunta permitiu á actual Administración autonómica quintuplicar o número de solicitudes aprobadas de apoio ás empresas galegas nas diferentes liñas de internacionalización, pasando de 216 solicitudes aprobadas, no 2008 a 1.088 solicitudes aportadas no presente ano. Ademais, actualmente supéranse xa as 2.400 solicitudes de apoio aprobadas neste ámbito, no que vai de lexislatura.
    Rede de Oficinas

    A Xunta de Galicia é consciente de que a internacionalización xa non é unha alternativo, senón unha oportunidade para moitas empresas galegas, ante a caída do consumo no mercado español, de aí que o Goberno galego estea impulsando a posta en marcha dunha rede de 15 oficinas no exterior: a Rede de Plataformas Empresariais non Exterior (Pexga) co obxectivo de incrementar de forma substancial as exportacións das empresas galegas nos próximos anos.

    De feito, un dos obxectivos é incrementar as exportacións en 3.400 millóns de euros e certa de 700 novas pemes no censo de empresas exportadoras en 2014.

    Con esta iniciativa, ofrécese ás pequenas e medianas empresas unha serie de servizos individualizados en destino. De feito, xa se puxeron en funcionamento as oficinas Pexga de países como arxentina, Colombia, Brasil, México, Francia e Rusia; que se suman ás situadas en Alemaña, Estados Unidos e Shangai. Ademais, xa se está a traballar para abrir as oficinas de Nova York e Londres e máis adiante será a quenda de India, Marrocos e Catar.

    Procurando multiplicar a eficiencia dos recursos públicos, a Consellería de Economía e Industria concede, a través do Igape, unha especial atención así como maiores porcentaxes de apoio a aqueles proxectos colectivos que son impulsados por agrupacións de empresarios e organismos intermedios.

    Nesta liña encóntranse as principais novidades do marco de apoio do Igape á internacionalización vixente en 2011, que inclúe iniciativas de gran calado como a posta en marcha desta rede de plataformas empresariais no exterior ou o servizo de licitacións internacionais, en colaboración coa CEG, así como apoios especializados como o programa MAPI, de apoio á proxección exterior das marcas con alto potencial de internacionalización, en colaboración con AMRE, Asociación de Marcas Renombradas Españolas; ou apoios sectorializados como os programas (en colaboración co ICEX) para a promoción de produtos agroalimentarios en China ou India ou para a promoción de viños de rías Baixas en Estados Unidos, ou o programa para a promoción internacional das empresas de materiais de construción.
    A cooperación empresarial permitirá seguir avanzando de xeito máis áxil cara á consolidación das empresas de Galicia nos mercados exteriores máis dinámicos. Apoiar ás empresas e clústers neste camiño un obxectivo prioritario da Consellería de Economía e Industria.

    Axudas do IGAPE
    O obxectivo dos servizos de axuda que promove o Igape é facilitar a internacionalización da empresa galega non exportadora ou con escasa internacionalización así como ofrecer un apoio ás firmas internacionalizadas para que non só non perdan a súa presenza senón que a incrementen, ampliando o número de países receptores das exportacións galegas e a diversificación dos sectores exportadores.
    Con esta finalidade ofrécese un amplo abano de servizos gratuítos e axuda económica para o desenvolvemento da estratexia de internacionalización das empresas, contribuíndo financeiramente á execución de plans específicos de promoción. Así mesmo, considérase tamén que se deben primar as accións promocionais conxuntas por parte de empresas galegas mediante maiores niveis de apoio en tanto que permiten un uso máis eficiente dos recurso.
     

  • 23 Decembro, 2011
    A Xunta apoia a internacionalización como estratexia de crecemento empresarial

    A internacionalización empresarial constitúe un eixe de actuación de interese estratéxico para a consellería de Economía e Industria da Xunta de Galicia. Por este motivo, durante os últimos anos teñen incrementado de xeito importante os servizos e os fondos destinados, especialmente, a través do IGAPE para avanzar cara á consolidación en novos mercados.

    A Xunta está desenvolvendo na actualidade unha intensa estratexia de apoio á internacionalización do tecido empresarial galego, co obxectivo de facer accesibles as vantaxes do mercado global ás empresas da comunidade. A positiva evolución das exportacións galegas aparece como unha consecuencia directa desta estratexia.

    O incremento dos presupostos e dos servizos e das liñas de apoio da Xunta para favorecer a internacionalización non é alleo ao crecemento das exportacións galegas, que aumentaron nun 13,6%. Así, Galicia é a segunda Comunidade co saldo comercial máis positivo.

    No con xunto do ano 2011 as exportacións de bens en Galicia alcanzaron un valor de 12.493 millóns de euros, o que supón un crecemento entre xaneiro e setembro do 13,6%. Este dato supón que Galicia achega case o 8% ao total das exportacións españolas.

    Ademais, é importante resaltar que o saldo comercial é positivo con 2.163 millóns de euros, polo que Galicia se sitúa como a segunda comunicade autónoma de maior saldo comercial positivo, fronte ao negativo de España, que é de menos 35.4883 millóns de euros.

    Apoio ás empresas

    Apoiar as estratexias de crecemento das empresas galegas no mercado exterior é unha prioridade para a Consellería de Economía e Industria da Xunta de Galicia. por este motivo, estase a desenvolver actualmente a través do IGAPE un programa integral de apoio ás estratexias de internacionalización, cun incremento excepcional de fondos destinados a este ámbito nos últimos anos.

    Así a prioridade da Xunta nesta materia é clara e as cifras reflícteno deste modo: no 2011 os recursos dirixidos ao Programa de Internacionalización ascenden a 20 millóns de euros, fronte aos 5,6 millóns que dedicaron no 2008. Isto quere dicir que a Xunta multiplicou por por catro o importe destinado a internacionalización hai catro anos.

    A Consellería de Economía e Industria creou un eixe especial dentro do IGAPE co obxectivo de páx. restar apoio directo ás estratexias de internacionalización das empresas galegas, orientándose especialmente ás PEMES:no que vai de lexislatura dende o Instituto destináronse 50 millóns de euros a este obxectivo.

    O especial esforzo realizado polo Goberno da Xunta permitiu á actual Administración autonómica quintuplicar o número de solicitudes aprobadas de apoio ás empresas galegas nas diferentes liñas de internacionalización, pasando de 216 solicitudes aprobadas, no 2008 a 1.088 solicitudes aportadas no presente ano. Ademais, actualmente supéranse xa as 2.400 solicitudes de apoio aprobadas neste ámbito, no que vai de lexislatura.

    Rede de Oficinas

    A Xunta de Galicia é consciente de que a internacionalización xa non é unha alternativo, senón unha oportunidade para moitas empresas galegas, ante a caída do consumo no mercado español, de aí que o Goberno galego estea impulsando a posta en marcha dunha rede de 15 oficinas no exterior: a Rede de Plataformas Empresariais non Exterior (Pexga) co obxectivo de incrementar de forma substancial as exportacións das empresas galegas nos próximos anos.

    De feito, un dos obxectivos é incrementar as exportacións en 3.400 millóns de euros e certa de 700 novas pemes no censo de empresas exportadoras en 2014.

    Con esta iniciativa, ofrécese ás pequenas e medianas empresas unha serie de servizos individualizados en destino. De feito, xa se puxeron en funcionamento as oficinas Pexga de países como arxentina, Colombia, Brasil, México, Francia e Rusia; que se suman ás situadas en Alemaña, Estados Unidos e Shangai. Ademais, xa se está a traballar para abrir as oficinas de Nova York e Londres e máis adiante será a quenda de India, Marrocos e Catar.

    Procurando multiplicar a eficiencia dos recursos públicos, a Consellería de Economía e Industria concede, a través do Igape, unha especial atención así como maiores porcentaxes de apoio a aqueles proxectos colectivos que son impulsados por agrupacións de empresarios e organismos intermedios.

    Nesta liña encóntranse as principais novidades do marco de apoio do Igape á internacionalización vixente en 2011, que inclúe iniciativas de gran calado como a posta en marcha desta rede de plataformas empresariais no exterior ou o servizo de licitacións internacionais, en colaboración coa CEG, así como apoios especializados como o programa MAPI, de apoio á proxección exterior das marcas con alto potencial de internacionalización, en colaboración con AMRE, Asociación de Marcas Renombradas Españolas; ou apoios sectorializados como os programas (en colaboración co ICEX) para a promoción de produtos agroalimentarios en China ou India ou para a promoción de viños de rías Baixas en Estados Unidos, ou o programa para a promoción internacional das empresas de materiais de construción.

    A cooperación empresarial permitirá seguir avanzando de xeito máis áxil cara á consolidación das empresas de Galicia nos mercados exteriores máis dinámicos. Apoiar ás empresas e clústers neste camiño un obxectivo prioritario da Consellería de Economía e Industria.

    Axudas do IGAPE

    O obxectivo dos servizos de axuda que promove o Igape é facilitar a internacionalización da empresa galega non exportadora ou con escasa internacionalización así como ofrecer un apoio ás firmas internacionalizadas para que non só non perdan a súa presenza senón que a incrementen, ampliando o número de países receptores das exportacións galegas e a diversificación dos sectores exportadores.

    Con esta finalidade ofrécese un amplo abano de servizos gratuítos e axuda económica para o desenvolvemento da estratexia de internacionalización das empresas, contribuíndo financeiramente á execución de plans específicos de promoción. Así mesmo, considérase tamén que se deben primar as accións promocionais conxuntas por parte de empresas galegas mediante maiores niveis de apoio en tanto que permiten un uso máis eficiente dos recurso.

  • 23 Decembro, 2011
    Asesoramento e asistencia técnica en orixe e destinto

    O Igape é a Axencia de desenvolvemento de Galicia e entre os seus principais obxectivos están os de fomentar a creación de novas empresas, promover a mellora da produtividade e competitividade das sociedade xa asentadas na comunicade, atraer investimentos foráneos e facilitar a internacionalización do tecido produtivo.
    Para achegar os seus servizos e axudas aos usuarios, o instituto ten oficinas territoriais nas sete principais cidades galegas. Ao mesmo tempo, para facilitar a internacionalización da pemes galegas captar investimentos estranxeiros, o Igape está a poñer en marcha unha rede de plataformas empresariais nos mercados de maior interese para o tecido produtivo de Galicia.
    Entre os servizos á internacionalización das empresas que facilita o Igape cabe destacar o asesoramento e asistencia técnica en orixe e destino, plans sectoriais, información sobre mercados e oportunidades de negocio, así como os servizos de interpretación telefónica, formación e incorporación laboral de especialistas en comercio exterior, organización de accións promocionais de participación agrupada, rede de empresarios, e calquera outro que solicite o empresariado galego dentro dos medios e recursos dispoñibles do Igape (detállanse no portal www.exportgalicia.com)

    Fonte: Diario de Pontevedra
     

  • 23 Decembro, 2011
    A Praza de Abastos porriñesa conta xa con tótem interactivo

    A directora xeral de Comercio, Nava Castro, o deputado provincial Pablo Baquero e o concelleiro de comercio, Marcelino Coto, asistiron onte ao acto da posta en marcha do "tótem" multimedia da praza de abastos do Porriño. Esta iniciativa forma parte do proxecto piloto impulsado pola Consellería de Economía e Industria co obxecto de "reviltalizar e dinamizar os mercados municipais".

    O novo dispositivo facilitará a consulta dos produtos de venda do mercado, así como o acceso a consellos de receitas ou menús saudables elaborados pola consellería de Sanidade, así como aos demais servizos existentes e información turística da zona.

    "Trátase de modernizar e convertrr vos mercados en puntos de referencia para a compra de produtos frescos", explicou Nava Castro.

    A iniciativa posta en marcha dende a Oficina Provincial de Comercio, está finanaciada pola Xunta a atrvés dun programa de colaboración coa Deputación de Pontevedra.

  • 23 Decembro, 2011
    Os usuarios da praza de abastos participan nun sorteo de vales de compra

    A Consellería de Economía e Industria organiza hoxe na praza de abastos de Monforte un sorteo entre os compradores que participaron nunha campaña para elixir o mellor placeiro dos seus centros de compras.

    As persoas que formasen parte da votación entrarán nun sorteo para acceder a vales de compra de 75, 50 e 25 euros para consumir na propia praza.

    A campaña é o segundo ano que se realiza e pretende pór en valor as prazas de abastos como centros de compra e resaltar o traballo dos placeiros e o seu esforzo por atender ao público dun xeito máis próximo que en calquera outro establecemento.

    Durante os últimos días, os usuarios dun total de 100 prazas de abastos votaron e valoraron aos traballadores das prazas. Hoxe estará previsto realizar o primeiro sorteo para a repartición de bonos de compra e haberá outro o 20 de xaneiro.

    O sorteo de Monforte da campaña 'Este inverno presume de praceiro' será a partir das 10.00 horas no mercado municipal da cidade do Cabe. Ao acto asistirán un representante da consellería, un membro do Concello e outro do Centro Comercial Urbano.

    A Xunta de Galicia decidiu levar a cabo a campaña por segundo ano despois do éxito do ano pasado. «Conseguimos que moita xente volvese a poñer a súa atención nas prazas de abastos e seguiremos traballando nesa liña», apuntaron.

    Fonte: El progreso
     

  • 23 Decembro, 2011
    As Ponte e Vilalba premian aos compradores dos mercados municipais

    Ás Pontes e Vilalba, que se sumaron ao concurso "Este inverno presume de praceiro e praceira" que promove a Xunta de Galicia a través da Dirección Xeral de Comercio, repartirán hoxe premios dos mercados municipais de cada localidade co fin de promover o comercio das prazas de abastos.

    Só se preiarán ás persoas presentes e, os agraciados poderán gañar un vale de compra por valor de 75, 50 e 25 euros.

    Ademais, Nas pontes, o sorteo repetirase o próximo día 20 de xaneiro. 

  • 23 Decembro, 2011
    Malpica elixe o seu praceiro preferido dentro da campaña de Comercio

    O mercado municipal de Malpica acolleu o sorteo da campaña "Este inverno presume tamén de praceiro e praceira 2011". unha iniciativa da Dirección Xeral de Comercio. Asistieron ao acto Eduardo Parga, alcalde e o xefe do Servizo de Administración Industrial,Isidoro MartínezNo acto entregáronse tres premios aos clientes do mercado malpicán, consistentes en vales de compra por importes de 75, 50 e 25 euros.
    Con esta campaña a Xunta pretende promover, un ano máis, a figura profesional dos pracervos, ao tempo que incentirvar o consumo e a visibilidade dos mercados e prazas de abastos como referentes na compra de produtos frescos. Durante esta campaña, os clientes de 102 mercados, case todos os existentes en Galicia, elixen o seu praceiro preferido e participan en sorteos de bonos de compra, a cambiar no mesmo mercado.
    O apoio aos mercados e ás prazas de abastos é un dos obxectivos estratéxicos recollidos no Plan Ágora, Ágora Re-Comercia, de reactivación e modernización do pequeno comercio posto en marcha pola Consellería de Economía e Industria.
    A Xunta quere que as prazas de abastos se consoliden como unha rede de centros líderes na venda de produto fresco e perecedoiro, onde se leva a cabo unha venda moderna, con servizos e diversidade, capaz de unir a tradición de compra ás novas necesidades dos consumidores.
     

  • 22 Decembro, 2011
    As «delicatessen» da zona viaxan para celebrar o Nadal

    Varias empresas serven a domicilio produtos da Costa da Morte

    Os mellores produtos da Costa da Morte pódense adquirir nas prazas de abastos da zona e nos mercados como o que hoxe se celebra en Carballo, que se espera especialmente concorrido pola proximidade da Noiteboa.

    Os que non poidan desprazarse aos centros comerciais da comarca poden tamén gozar dunhas sabrosas patacas de Coristanco ou dunha suculenta centola de Malpica. Internet pon ao alcance das persoas interesadas produtos que se pescan, se crían ou se recolectan a moitos quilómetros de distancia. Desde Cuenca ou Murcia chaman para interesarse pola tenreira galega que Elisa de Baldomar alimenta en Muxía e que comercializa en pezas ou enteira.

    Tamén é posible comer en Segovia unha lubina pescada o día anterior en Laxe, grazas á páxina loestamospescando.com, que onte realizou unha nova presentación dos seus produtos no Mercado de San Antón de Madrid, en cuxa pescadería xa se poden adquirir produtos das lonxas da zona.

    Para moitos naturais da Costa da Morte que non poden regresar á súa terra nestas datas, as compras por Internet son un modo de lembrar as festas en familia e os sabores tradicionais.

    Fonte: La Voz de Carballo

     


  • Páxina 68 de 85

  • Mostrando do 1341 ao 1360 dun total de 1690 rexistros